Apr 03 – Kitungan a d’ong Abguguben abmele oskainaba!

“Bar anin mandranji ampara artiyberren a tiki, sanu ompu maranji a mukkaban abmang abmanglen a yerben asan GAMANGtungan do Anin a ranoitadan a lananggan apsele kanenkenan kenle a senkendraben asan anin dajing mandranji a d’ong tabngijeten, bar aninji kenle gamleji, GAMANGtungan a d’ong senba, iten asan gamlenden Anin asuyeman tarda ayam daku” (2 Birinda 20:21).

Angante amben kanalkal-lingan dakutaben kun ayam-lingan garbenaba, amben aturdum-ben dete Kitungan atimangba do asenkendraben abmele asusuben dete, bo surda ranapti daku anabgugu-lingan. anabgugun baatte, maandrengna-ling-ben rumang baran lumte. Anin labsole aamben abmele saanuten, amben aagadlamben dete.

Bo Kitungan amandran bo bigarda desaban anappaih dele. Man’oihan batte anin yerreten, bindo angante anin gijle kanalkaalanji, itente anin abmele bo kalkaldam, anin dukkadale. Anin kun gorjang-ligan alanglangan adgalamad do kuddub yaryarmengba eresumdage dakule. Anabhananji bo bigardadam dakule. Do Kun Kitungan amandran yarlen yeraiten.

Kun ayam-lingan, anin gijle bo sanadan, bo surda sandrangan: “agaja omdrengdong Kitungan a d’ong abguguben”. Kan a berna a d’ongan gadlamte. Engale anin kinolneten do a j’e-lingan tabme derna do derdrna barij dele. Kun ambrij kun ayam-ling anin adgarberad, anin susule abguguben Kitungan a d’ong. Abgugulen atikki, aj’e-lingan himdamlen. Janggardan anappaihan dele baran a susuben abmele. Do kuddub barun ambrij adakule akanalkaalan anabgugu batte sagaile.

Angante asangem-maranji Jihusapat-lingan dilenji, aranaptin baatte anin daina adhage gamle himdamlen. Anin bo maneng sanu-maranji dakule, kuddub hanamdramanji batte do tanangleji do susuleji Kitungan a d’ong abguguben abmele.

Kun anabgugun batte Kitungan aranaptin labsolai adongdrabben abmele. Angante Jihosapat do kun Judanji kinleji do abguguleji, Gamangtungan a d’onganji dongdrable asangem-maranji saring. Anin tanangleji, aninji sanulenji do daina hangleji. Bibolan gamte: “Kan a toki rzngrung darakunan a diydiy turtur kantisingban arduan ardule onla maranji amangban gugijleji, bar gijba aninji a kahid mardun labo lingan tardzng bardzngge daku bar bo mandra janang adnardurad” (2 Birinda 20:24).

Tanahimdam Kitungan a onagji, kuni na a Kitung nami janang ameng daku. kuddub barabenji Kitungan amang surpidba, dernaba abguguba do senkendraba. Kuddub-lingan, abgugule senba. Do eteden Anin d’ongben daina tiytaben kuddub-lingan.

Okiy Kinolbe absele: “Bar aninji sanarding-raijan do bina-raijan raijle, do tetardu pedan pedle, Jirusalem ganle GAMANGtungan a slingban yeraiji” (2 Birinda 20:28).