ಜುಲೈ 04 – ಮೇಘದಿಂದ ಬಂದ ಧ್ವನಿ!

“ಆಗ ಮೋಡದೊಳಗಿಂದ —’ಈತನು ನನ್ನ ಮಗನು, ನಾನು ಆರಿಸಿಕೊಂಡವನು; ಈತನ ಮಾತನ್ನು ಕೇಳಿರಿ’ ಎಂಬ ಆಕಾಶವಾಣಿ ಆಯಿತು.” (ಲೂಕ 9:35).

ಒಂದು ಸಂದರ್ಭದಲ್ಲಿ, ಯೇಸು ತನ್ನ ಶಿಷ್ಯರಾದ ಪೇತ್ರ, ಯೋಹಾನ ಮತ್ತು ಯಾಕೋಬರನ್ನು ಪ್ರಾರ್ಥನೆ ಮಾಡುವುದಕ್ಕಾಗಿ ಒಂದು ಬೆಟ್ಟದ ಮೇಲಕ್ಕೆ ಕರೆದುಕೊಂಡು ಹೋದನು. ಅಲ್ಲಿ ಆತನು ಅವರ ಕಣ್ಣುಗಳೆದುರೇ ರೂಪಾಂತರಗೊಂಡನು. ಆತನ ಮುಖವು ಸೂರ್ಯನಂತೆ ಪ್ರಕಾಶಿಸಿತು ಮತ್ತು ಆತನ ವಸ್ತ್ರಗಳು ಬೆಳಕಿನಂತೆ ಪ್ರಕಾಶಿಸತೊಡಗಿದನು. ಮೋಶೆಯೂ ಎಲೀಯನೂ ಸಹ ಮಹಿಮೆಯೊಂದಿಗೆ ಪ್ರತ್ಯಕ್ಷರಾಗಿ ಆತನ ಸಂಗಡ ಮಾತನಾಡುತ್ತಿದ್ದರು.

ಆ ಸಮಯದಲ್ಲಿ ಪೇತ್ರನು ಯೇಸುವಿಗೆ: “ಗುರುವೇ ನಾವು ಇಲ್ಲೇ ಇರುವದು ಒಳ್ಳೇದು, ಮೂರು ಪರ್ಣಶಾಲೆಗಳನ್ನು ಕಟ್ಟುವೆನು; ನಿನಗೊಂದು ಮೋಶೆಗೊಂದು ಎಲೀಯನಿಗೊಂದು ಎಂದು ಹೇಳಿದನು” (ಲೂಕ 9:33).

ಆಗ ಆಕಾಶದಿಂದ ಒಂದು ಧ್ವನಿಯು ಕೇಳಿಸಿತು: “ಈತನು ಪ್ರಿಯನಾಗಿರುವ ನನ್ನ ಮಗನು, ಈತನನ್ನು ನಾನು ಮೆಚ್ಚಿದ್ದೇನೆ, ಈತನ ಮಾತನ್ನು ಕೇಳಿರಿ ಎಂದು ಆಕಾಶವಾಣಿಯಾಯಿತು ಕೇಳಿರಿ!” (ಮತ್ತಾ17:5). ಇದೇ ರೀತಿ, ಯೇಸು ದೀಕ್ಷಾಸ್ನಾನ ಪಡೆದಾಗಲೂ, “ಆಗ ಆಕಾಶದಿಂದ—’ಈತನು ಪ್ರಿಯನಾಗಿರುವ ನನ್ನ ಮಗನು, ಈತನನ್ನು ನಾನು ಮೆಚ್ಚಿದ್ದೇನೆ ಎಂದು ಆಕಾಶವಾಣಿ ಆಯಿತು.” (ಮತ್ತಾ 3:17).

ಇಲ್ಲಿ, ಮೋಶೆಯು ಧರ್ಮಶಾಸ್ತ್ರವನ್ನು ಪ್ರತಿನಿಧಿಸುತ್ತಿದ್ದನು. ಆದ್ದರಿಂದ, ಇಸ್ರಾಯೇಲ್ಯರು ಮೋಶೆಯ ಧ್ವನಿಗೆ ಕಿವಿಗೊಡುತ್ತಿದ್ದರು. ಎಲೀಯನು ಪ್ರವಾದಿಗಳನ್ನು ಪ್ರತಿನಿಧಿಸುತ್ತಿದ್ದನು, ಮತ್ತು ಜನರು ಅವನ ಪ್ರವಾದನೆಯ ಮಾತುಗಳಿಗೆ ಗಮನ ನೀಡುತ್ತಿದ್ದರು. ಅವರಿಬ್ಬರೂ ಹಳೆಯ ಒಡಂಬಡಿಕೆಯ ಕಾಲಕ್ಕೆ ಸೇರಿದವರಾಗಿದ್ದರು.

ಆದರೆ ಈಗ ಹೊಸ ಒಡಂಬಡಿಕೆಯ ಕೃಪೆಯ ಕಾಲವು ಆರಂಭವಾಗಿತ್ತು. ಪರಲೋಕವೇ ಕ್ರಿಸ್ತನನ್ನು ಘನಪಡಿಸುತ್ತಾ, “ಈತನ ಮಾತನ್ನು ಕೇಳಿರಿ!” ಎಂದು ಸಾರಿತು.

ಮೋಶೆ ಮತ್ತು ಎಲೀಯರು ಎಷ್ಟೇ ಮಹಿಮೆಯುಳ್ಳವರಾಗಿದ್ದರೂ, ಮತ್ತು ರೂಪಾಂತರದ ಬೆಟ್ಟದ ಮೇಲೆ ಅವರು ಏನೇ ಮಾತನಾಡಿದ್ದರೂ, ಅವರು ಯಾರೂ ನಿಮಗಾಗಿ ತಮ್ಮ ಪ್ರಾಣವನ್ನು ಕೊಡಲಿಲ್ಲ. ಕ್ರಿಸ್ತನೊಬ್ಬನೇ ನಿಮಗಾಗಿ ತನ್ನ ಪ್ರಾಣವನ್ನು ನೀಡಿದನು. ಅಷ್ಟೇ ಅಲ್ಲದೆ, ಕ್ರಿಸ್ತನೇ ಬರಲಿರುವ ನ್ಯಾಯಾಧಿಪತಿಯಾಗಿದ್ದಾನೆ. ಆದ್ದರಿಂದ, ಆತನ ಧ್ವನಿಯೇ ನಿಮ್ಮ ಅತ್ಯುನ್ನತ ಗಮನಕ್ಕೆ ಅರ್ಹವಾಗಿದೆ.

ಲೌಕಿಕ ಜೀವನದಲ್ಲಿ ನಾವು ಅನೇಕ ಧ್ವನಿಗಳನ್ನು ಕೇಳಬೇಕಾಗಬಹುದು. ಆದಾಗ್ಯೂ, ಎಲ್ಲದಕ್ಕಿಂತ ಮಿಗಿಲಾಗಿ ನಾವು ಕರ್ತನ ಧ್ವನಿಗೆ ಕಿವಿಗೊಡಬೇಕು. ಆತನ ಚಿತ್ತಕ್ಕೆ ವಿರುದ್ಧವಾಗಿರುವ ಯಾವುದೇ ಧ್ವನಿಗೆ ನಾವು ತಲೆಬಾಗಬೇಕಾಗಿಲ್ಲ.

ದೈವಭಕ್ತಿಯುಳ್ಳ ಒಬ್ಬ ಯುವತಿಗೆ ಅವಳ ಪೋಷಕರು ಕುಡಿತದ ಚಟವಿದ್ದ ಒಬ್ಬ ಸೇನಾ ಅಧಿಕಾರಿಯೊಂದಿಗೆ ವಿವಾಹ ಮಾಡಿಕೊಟ್ಟರು. ಅವನು ಸಂಜೆಯ ಸಮಯಗಳಲ್ಲಿ ಹೆಚ್ಚಾಗಿ ತನ್ನ ಸಹ-ಅಧಿಕಾರಿಗಳೊಂದಿಗೆ ಮದ್ಯಪಾನ ಮಾಡುತ್ತಾ ಮತ್ತು ಪಾರ್ಟಿಗಳಲ್ಲಿ ಕಳೆಯುತ್ತಿದ್ದನು. ಒಂದು ದಿನ, ಅವನು ತನ್ನ ಹೆಂಡತಿಗೆ ಅತಿಥಿಗಳಿಗೆ ಮದ್ಯವನ್ನು ಬಡಿಸುವಂತೆಯೂ ಮತ್ತು ಅವರೊಂದಿಗೆ ನೃತ್ಯದಲ್ಲಿ ಪಾಲ್ಗೊಳ್ಳುವಂತೆಯೂ ಆಜ್ಞಾಪಿಸಿದನು.

ಅವಳು ಅದಕ್ಕೆ ನಿರಾಕರಿಸಿದಳು. ಆಗ ಗಂಡನು, ಹೆಂಡತಿಯು ತನ್ನ ಗಂಡನಿಗೆ ಅಧೀನಳಾಗಿರಬೇಕು ಎಂಬ ಸತ್ಯವೇದದ ಬೋಧನೆಯನ್ನು ಅವಳಿಗೆ ನೆನಪಿಸಿದನು.

ಆದರೆ ಅವಳು: “ಸ್ತ್ರೀಯರೇ, ಕರ್ತನಿಗೆ ಹೇಗೋ ಹಾಗೆ ನಿಮ್ಮ ಸ್ವಂತ ಗಂಡಂದಿರಿಗೆ ಅಧೀನರಾಗಿರಿ” (ಎಫೆಸ 5:22) ಎಂದು ಪ್ರತ್ಯುತ್ತರ ನೀಡಿದಳು. ಅವಳು ದೃಢವಾಗಿ, “ಪರಿಶುದ್ಧ ಗ್ರಂಥವು ಕರ್ತನಿಗೆ ಸಲ್ಲಿಸುವಂತೆ ಅಧೀನತೆಯನ್ನು ಕಲಿಸುತ್ತದೆ. ನಿಮ್ಮ ವಿನಂತಿಯು ಕರ್ತನಿಗೆ ವಿರುದ್ಧವಾಗಿದ್ದಾಗ ಮತ್ತು ಆತನನ್ನು ದುಃಖಪಡಿಸುವಾಗ ನಾನು ನಿಮಗೆ ವಿಧೇಯಳಾಗಲು ಸಾಧ್ಯವಿಲ್ಲ” ಎಂದು ಉತ್ತರಿಸಿದಳು.

ಪ್ರಿಯ ದೇವರ ಮಕ್ಕಳೇ, ಪರಲೋಕದಿಂದ ಬರುವ ಧ್ವನಿಗೆ ಪರಿಶುದ್ಧವಾದ ಆಸಕ್ತಿ ಹಾಗೂ ಭಕ್ತಿಯಿಂದ ವಿಧೇಯರಾಗಿರಿ. ನೀವು ಹಾಗೆ ಮಾಡುವಾಗ, ಕೇವಲ ಒಂದು ಕಾಲಕ್ಕಾಗಿ ಮಾತ್ರವಲ್ಲ, ಇಡೀ ನಿತ್ಯತ್ವಕ್ಕೂ ಆಶೀರ್ವದಿಸಲ್ಪಡುವಿರಿ.

ಮುಂದಿನ ಅಧ್ಯಾಯನಕ್ಕಾಗಿ ದೇವರ ವಾಕ್ಯ:

 “ಅವರು ಕಣ್ಣೆತ್ತಿ ನೋಡಿದಾಗ ಯೇಸುವನ್ನೇ ಮತ್ಯಾರನ್ನೂ ಕಾಣಲಿಲ್ಲ. ” (ಮತ್ತಾ 17:8).