Apr 10 – Sanensenan a Hang-ben Tungnadam!

“GAMANGtungan a d’ong senba, iten asan gamlenden Anin banangsadam. Iten asan gamlenden Anin asuveman er ahiddam” (Sanenken 136:1).

Amben akabdabnaben dete Kitungan abanagsa asaiben. Bindo dile dinna, bo surda j’en batte amben ahimben dete, Anin arubmang asuyemanji, dile tordong dakute.

Asuyeman mangben saring agaja adyire orde adkaridae. Anin tungnadam kuddub  sanensenlingle, kuddub anbgugulen, anabpemenglen do sanensenlen.

Angante Raja Solomon Kitungan asareba-singan surpidle, kuddub buyanji do danemaranji, senkendraleji do bo sangdran le senleji. Bindo aninji galamle adrabtiadji aboinan Kitungan gamle, asenben do abguguben. Anin a d’onganji tanimyiman batte abhanale, Anin Kitungan amandranji a d’ong abdile do kinan a desa tiyle a danenji ambrij do abansittan a s’ing.

Anab-boi-lingan, aninji gadri-j’e-linji aboina a Kitung-lingan atiy-j’enaben abmele itente hangdrangan hangtabe. Do kunina ate Kitungan asuyeman. Anten asan, aninji abgugule gamleji: “E, Kitungan a d’ong senba, iten asan gamlenden Anin bangsa! Asanayaman dile ayam dakute”.

Bibolan gamte: Kitungan, Anin bangsadam, asuyeman dile aayam dakute. Angante aninji senleji, Kitungan asareba-singan taruban batte barij dele (2 Birinda 5:13).

Angante amben agamte Kitungan bangsadam do asuyeman asan asente, a J’e-lingan Anin m’oihte. Kitungan asarebasingan badrijle taruban batte kun a dinna-lingan, j’e-ben janang Anin badrijte, iten ate Kitungan asarebaaasingan, anabgugun batte, aamben Kitungan a Janggardan-linga abasute. Anten asan, barij j’e-ben do barij man’oihan batte, senba: “Kitungan banangsadam, asanayaman dile ayam dakute”.

Sanenken 136 bo bangsa sanenken, dile kardaji baangsaberan batte takudte: “A sanayaman dile ayam dakute”. Aparmangtan akardan gamte Kitungan banagsadam do alagu kardanji anabgugulen batte Kitungan tunnadam iten asan gamte.

Kitungle, Anin tungnadam sanenkendraalen ahangben, nami janibjiban tiylen. “Iten asan gamlenden barunji sagaite kuddub sidte. Bindo asuyeman adyire mangben saring, orde kanina sanabyu-Hen aberna sagaite,” Kitungan gamte, butente asuyemte d’ongben” (Jisaiya 54:10).

Tanahimdam Kitungan a onagji, amben Kitungan a d’ong asentepo, gamte dile ayam asuyeman dile ayam dakute? Anabgugu tarubanji yaryarmanengba dakute. Kitungan banangsadam, do Anin banangsa batte badrijtaben. Ansonna tungnadam sanenkendralen batte.

Okiy Kinolbe absele: “Angante anlen osengdam delalen, seletten Anin d’ong-len ayimlalen, iten asan gamlenden Anin asuyeman er ahiddam” (Sanenken136:23).