Apr 09 – Sanensen-hen a Kitung!
elimchurchgospel“E sanensen-hen a Kitung, Aman rznglen dakudongne!” (Sanenken 109:1).
Raja George, yakurdi kenkenan idolle. Kun akanenlen, mandran alumudban ayirte ate. kun ayam-ling bias-jadanji orde kalkaldaman ajanabanji dakute. Anten asan, kun mandran turturmaran a d’ong ualle tarchon tih gamle.
Tuturmaran gamle: ‘Kitungan a s’in radu gamle hamma, kan ordar saring awr tana’aran hangte amangan saring, do tagor-ling-nam bangsale urungtam. Kun batte lanumudan saring d’ong-nam rabte’.
Ayobo amandrengna-lingan, er saaidage anabkalkalan, anin laggadamlen dakule Kitung-lingan. angante Ayob kambolan akinolte, j’e-ling-ben ateng annual-beran dungte, kun ambrij: iten asan roitad maran kanalkalan hangteji? Iten asan er roitad maranji gamangteji? Iten asaan Kitungan rungle sidte, angante bangsa maranji kanalkal-lingan galuteji? Do anlen kan aberna abmele hangle adrabtebe.
Bindo Ayob a derna Kitung-lingan dakule. Do kun a dernan batte, anin radu gamle derlen lalumudan saring dunglen yirete. Do Kitungan a si a d’ongan adnumdrengad. Angante lanumud-lingan halen, anin gamle: “Gija, Hen abamanglen yirte, bindo anin agasa. Do kandungbahen janang, bindo Hen abmanglen adrabtiai. Bindo Anin galamte hen iten atagoran hamtai; angante Anin tungjinlih, Hen ranan ambrij dayerlai. (Ayob 23:8-10).
Mandrengna-ling-ben janang – angante amben kanalkal-lingan adakuten Kitungan iten asan rungle sitte? Amben agalamben dete do kan kudduban Kitungan apailai gamle, amben ranan ambrij apuangben dete. kuddub kanalkal-lingan anabpemengan daku. angante amben Kristun batte satid samoige detaben, amben janang Anin batte adakuten.
Kuddub ayam-lingan Anin arakadang-lingan antanang ambrij, Jisun rungle daakuneten. Do angante Anin berneten, bo berna sattang berlen, iten gulji seken satang. Bindo Anin saile adrabtiad U’an Kitungan. Anin edalen a U’an amangba: “U’a-Hen, U’a-Hen, iten asan karidalam?”
Anin adsaaiad a U’an adkirdinlen asidle ate, aten asan amben janang agaja akaridae. Tanahimdam Kitungan a onagji, amben agalamben dete kan kudduban amben abmele, Jisu adkirdinlen aadakutenan ate.
Okiy Kinolbe absele: “Bar Ayob, a gardinji apsele garbereten a tiki, GAMANGtungan anin a d’ong barbanangsan abmean abmele purban a bittin saring bagu terdeng awr bittin tiyeten. Kan ambrij Ayob talaibale do barij ayaman dean dele kahidle” (Ayob 42:10, 17).