Apr 07 – Sanensenan a Sindrin!
elimchurchgospel“Bar Sion a edana maranji apsele a tabngijben asan kumaban a panardu langga tanoltolan, edanan a panardu man’oihan a miholan, do danukka janggardan a panardu sanensenan a sindrin a tiyben asan Anin d’ong-hen appailih” (Jisaiya 61:3).
Amben danukka batte adakutenan adnang Kitungan abm’oihe. Anin manglenben man’oihan a miholan abadrijben itsumte. Anin atnitsume janggardaben as’iten ate. Anin barijabmebenten Janggardadage aman’oihan, do abguguben as’indren tiybenten. Bo bangsa taniytiyan ambrij, kan ate ajardina anlen s’idren ajijinaben dete Kitungan a d’ong amainaben asan, senle abguguben abmele.
Kan a dinna a bernan abmele, danukka janggardan abmele. Buten buten ate bigardanji batte anabdukkan dete, do aninji daman batte jajingante ate anabdukkan deteji. Buten buten ate pastron a d’ong asangemteji do aninjidaman. Akulamanji abdusateji do saaagai dakutenji maina tanurdun saring. Birinda-lingan janang tanongban do dunkkarin batte, orde ua-yangan, do pasijanji batte bar aninji maina tanurdun adakue.
Bo togal janang, aninji kanenan kenle goble adrabtieji. Bo kamedan aran ajaitan saring ualle ontidan adong: ‘Nami atogal iten asana man kenkenan adkenne? Aman galamtepo barij tulaban kenkenman anomdi-lingan daku sandrangnam amdangben?’
Kun togalan gamle: “aman amdangle adraptiepo kandudan aerbangsa sangdrangan do yaga adanganji aer-ragal sangdrangan? Yangam kan ambrij ayam-lingan hen kenkenan kenai?”
Kammedan ayerberle: “E togalan aonti, kan bigarda sangdranganji d’ong abdukkaten asangdrang do aman akkenen batte ateng danukka-hen daku”. kan ambrij gamle, kammedan a d’ong gamle kenna.
Ateng asan, kun togal-tidan kenkenan akenben susule. Do engale susule, man’oihan yiraiten do anerdakan. Kun aboi bo bangsadage kuddun er marid sangdranganji kadablenji.
Iten asan amben dukka deteben er senkendralabe? Kitungan timyimbenten, butente d’ongben timyimte orde adtimyimbenji kan ordar-lingan. anin d’ongben gugudage timyimte do asuyembenten. Amben adsennepo kenkenan kenle?
Tanahimdam Kitungan a onagji, angante amben abgugule kanenan akente, kuddub kanalkalan do ordardage aerbangsaji itente barun ambrij dakule, kudduban sosoten do marid dete. m’oihnaba Kitung-lingan do abguguba.
Okiy Kinolbe absele: “Desa lingan a tarbanji gittate; kanate ontidanji a kenken ayaman ardulai; desa-ling-len a kukkuranji a kanenan anamdangan dete” (Solomon a Kanen 2:12).