Apr 05 – Sanenkendran Man’oihdam!

“Amben Gamangtungan a d’ong senba! Iten asan gamlenden Kitung-len apsele a senkendraben banangsadam. Anin a d’ong a senben asan man’oihdam do sakkaidam” (Sanenken 147:1).

Anab-boi-lingan, Daudo hangle man’oihan Kitungan anabgugu batte. Aten asan Anin tongsenglen do erdkalen, angante Kitungan abungsan yiraiten Daudo a garda-lingan. aman’oihan daakule adrabtiad ateng man’oihan adalen asan. Anlen abmele kan Tabme anosai-lingan aadakun batte, Kitungan anabsittan haanglaaben do a taniytiyan awrloge, kun a dinna saaring. Anlen, buten Kitungan a tanimyiman maimaaile kaloborin saaring, surda-j’en batte aabguguben dete.

Anab-bagu-lingan, sanensenan pangtai Kitungan asuyeman mandrengna-lingan. bibolan gamte: “iten asan gamlenden sabbihen amben apsele daku, yante gamle asuyeman nateng -ateng- mandranji amangban- haran barre Kitungan a ganugu panemengan opsele sahen— senan abalate. Asui ayaman sikkoijarag anasudan do or ahidan a ganngiz panemengan” (2 Korintia 4:15). Kristun batte adakuna batte, Kitungan asuyeman na ragaldam, do Kitungan a tnimyiman. Bibolan gaamte: “Gamangtungan a erztna asuyeman asan anlen san’zdan addelai, iten asan gamlenden Anin asuyeman er ahiddam” (Edana 3:22).

Anab-yagi-linga, anabgugun batte anablun. Aabgugutaben batte yaryarmanengbalen kintalan ambrij radu dakute. Bibolan gamte: “Desa-ling-nam anaggai bernan orde tannod-ling-namji usbog san’zdana bug mas med orde ranardaian a bernan maar barokij anamdangan adde-e. Bindo kintal-namji, Anablun do sanang-namji, Sanensenan, gamle aman adhimte” (Jisaiya 60:18).

Angante amben Kitungan a d’ong abgugute, asosoban yirre baru-alangkaban do ranaptin aalumuba. Anin d’ongben ablute do rabrab-benten akapardan aajaaitan. “Iten asan gamlenden uante aman yerte, d’ong-nam a turturben asan Kitungan Anin a pisirdianji a dong banaihan tiyte” (Sanenken 91:11). Anin d’ongben togi ambrij yaryarmanengba dongdrabtaben do aanablu kardiban appaitai.

Anab-unji-lingan, mandrengna-lingan dainan ahangle amandran aman-na, anabgugun batte. Butente abgugute anin ameng-daku. butente adnabgugueji aninji aamengted. Bibolan gamte: “Kahid maranji orde ayengan a mandranji karahidban latsole yerteji, aninji GAMANGtungan a d’ong adsenkendraeji. Bindo anlen nami bar tarda ayam GAMANGtungan a dong a sentai. GAMANGtungan a d’ong senkendraba!” (Sanenken 115:17-18).

Ateng karahidanji abmele bibolan gamte. Danusan do pintu lingan kahiddam a dele (Episi 2:2). Butente ogir magad lingan mandrengnan abhanate, anin am’eng janang den kahiddam daku (1 Timoti 5:6). Butente Kitungan aa d’ong adseneji aninji akahid daku gamle galamtabe, aninji ameng dakulejanang. Tanahimdam Kitungan a onagji, Janggarda-ling-ben taniyan dele abguguben do asenben abmele ateng asan agaja akabdabdongne, do m’oihlen lumba.

Okiy Kinolbe absele: “Bar Sion a edana maranji apsele a tabngijben asan kumaban a panardu langga tanoltolan, edanan a panardu man’oihan a miholan, do danukka janggardan a panardu sanensenan a sindrin a tiyben asan Anin d’ong-hen appailih; yante gamle GAMANGtungan a ganugun dete, anten asan aninji ranoitadan a nebanji do Anin a kutta, gamle panemengan dete” (Jisaiya 61:3).