Apr 01 – Kitungan a d’ong Senkendratai!

“Hen kanenkenan batte Kitungan ahiman senkendratai, do lanemsenan tiyle hen Anin a d’ong abgugutai. Tangliyan orde dzrengan do gullan dakun a kuppa-tangan a kanuban saring kanate Gamangtungan a d’ong abm’oihte” (Sanenken 69:30-31).

Sanenken Daudo dile ayam Kitungan a d’ong abm’oihben asan oskailen dakule. Anten asan anin dile ayam kuddub bara-lingan garberneten Kitungan a d’ong abm’oihben abmele. Atanakud-lingan, anin gamle ‘Senkendratai’ yang anabm’oih kan.

Kitungan iteja sanaisaited rana orde ruppan, orde kanuban orde taniytiyanji. Anin sanaisai sanensenan do panemengan bo surda j’en saring. Anin sanaisai manglen saring anabgugun do sanenkenran barij uggaran batte do barij ranaptin batte.

Sanenkenran-lingan Kitungan dakuten. Barij ruangan kanenan batte anabgugulengan barij daku. Kitungan a pisirdianji abgugule do senkenrateji. Serobin do Kirobin abguguteji. Unji ameng maranji do bokurdi-unji mayang-maranji abgugule dakutenji, er kadablenben.

Bogad Kitungan, sanekenra-lingan dakute, s’ing-ling-ben janang dakuten, kan ate boi boi murdadaman aberna amben barij uggaran batte abguguben dete. angante Daudo abgugule Kitungan a d’ong abm’oihle, surpiddamlen anin gamle: “Gamangtungan a d’ong hen kuddub ayam lingan sentai; Anin apsele t’od-ling-hen dile tordong sanensenan dakute” (Sanenken 34:1).

‘Sanenkenan’ gamlen bo ranapti hanamdraman Kitungan batte Jirikoban a kintal aladungte. Jon murda-maran archaeologist-lingan anin Jiriko-lingan baralen, hangle bagu kintalanji. Anaboi kintalan tudru fit do anab-bagu ate mijgal fit. Ogandiba yang aradu dakule kun a kintalanji.

Israelanji amanganji itenja bom adakuad kitalangji abrardangben abmele. Aninji Kitungan a d’ong abgugule dakuleji surdakumpedan pedlle. Do Kitungan aranaptin labsolai do abradranle. Anabgugu-batte Kitungan abdarngle do asangem-maranji janang Kitungan galamleji.

Anappai Pol uallangten Kitungan a d’ong abguguben abmele Kuddub lingan Uan Kitungan a d’ong Kitungan Jisun Kristun lingan (Epissi 5:20). Angajang amben Kitungan a d’ong abgugute do a sente, amben sonuman a s’in-lingan agasa, do lumudan aranaptin adhamben. Ateng asan, Tanahimdam Kitungan a onagji, Kitungan a d’ong abguguban do dainan hangba!

Okiy Kinolbe absele: “Engale amben hanangan a hallgle, ettele Kristun amang hngan a murda j’edan ambrij dean dele, do januljulan dean dele dema hngan erztnage deba, do karraloge senba” (Kolosian 2:7).