Mar 15 – Anin Tanangtaben!

“Bar anin a tanabnangan dete. iten asan gamlenden Gamangtungan anin a d’ong rapti tabnangte” (Romi 14:4).

Kitungan d’ongben gamte. Iten gamte:  amben bigardanji a d’ong abidsarad’ong ayengan a mandranji daiyergudling yirleji, danukkan batte. Iten asan gamlenden aninji a d’ong barokij orungtai, a tanimyiman batte.

Er hadab surpitdanan abmele bo dirna maran gadlamle murda buyan batte ateng ayam abmang, anin a idolle akamb’ol-ling. Anin raduloge gamte murda buyan sarigoi lulunan adhangad. Kun buyan kun akamb’olan kinolle, ateng ayam atikki. Bar, kan ate aboi adete ambrij a berna dakule anin gamle do tanamadan ahangben Kitungan amang saring, do ranoitadan ahangben amangan saring.

Bindo kun reortdan gamte a d’ongan abidsaraben abmele. Angante bo mandra gamle iten ambrij a berna rabangben dete, aninji rabangleji anin bo kanalkal-lingan adakule ate do anindaman bimbimdamneten do kudi-kota endungle. Yang a kanalkalan kan ate!

Bibolan gamte: “Butente jumte amn aJJumen a mandran a d’ong puyingdongete. Bar butente ajjume, anin jumten a mandraIn a d’ong bitsaradongete, iten asan gamlenden Kitungan anin a d’ong jaeten” (Romi 14:4). Bangsa hanang lingan, anlen kinoltabe ranoitadan gulji tara galute do diten. Yan a surda suyeman kan ate Kitungan abditen dirna maranji abmele Tabme Anosaij lingan? angante kan ambrij dakuleden, amben yangam abidsarate bigardanji?

Anappai Pol gamte: “Anten asan Gamangtungan endrang yerraian sikkoi ja antayaman a purban iteja abmele a bitsaradong. Anin lanungudan a sanosonji abrangbaite, do jen 1a anogandinji Anin. abgittate,- bar seletten Kitungan saring di mandran a dong sanensenan dete” (1 Korintian 4:5).

Kitungan Jisun Kristun gijgijlangten. Amben, a mihaman batte manaridan do ganijdan adele po gamle, amangban gijgijba. Do anin abtagortaben atanagor-lingan, bangsale d’ongben, maridle do hanghangle d’ongben.

Tanahimdam Kitungan a onagji, amben kan ordardage mandrengna saring dunglen arabtite. Bindo abantondong. Er t’ulmaran a d’ong abt’ulten a Kitungan do ranapti atiyte, d’ongben janang tanangte atanimyiman batte.

Okiy Kinolbe absele: “do a tanakud dinna lingan panunggen a deben asan itentue a anablun anoskai dele, antate a hangben apsele amben Kitungan amang lingan deran derren Anin a ranaptin batte tanurturan a dele” (1 Pitor 1:5).