Mar 11 – Anin Yertai!

“Mang-ben saring ruang desaban ayengan a Jisun a anurungan dele, Anin ruangban iylen adnang engale amben a gijle, ettegoi na Anin barokij yertai” (Anappai 1:11).

Kristun a dinna abmele anlen gijgijtaben, barij itsuman batte. Anin yirtai do bayale yirtai do adnabdingdingne. Angante United States of Amrica lingan appaile rokedan angaitaba, ateng mandranji gijgijleji kun ayam. Kunrokedan Kennedy aparamangan saring appaian dele. Do kun government kun apsele aninji oskaaileji aten asan kuddub mandranji gijle rabtileji a tv linganji, itente aninji absuileji barij ordar lingan.

Ateng barij mandra-lingan ayengan a mandranji absuileji, kuti-lingan bo inslobojan dakute kun ganabdil-maran a inslon: kun a bara-lingan anin member dakule. Anin amang ateng anogandin dakule. Bo anin amangan man’oihan dakule. Etigoi, amangan janang banangtongan do erobjongdage abanangtongan dakule.

Atanakud-lingan, annual-maran a d’ongan ualeten a tanongba abmele iten ambrij anogandinam daku tanongbanam abmele gamle. Do anin gamle hen gijgijlai kun rokedan yangamle labsotai jadtan, angaita-lingan ayirte ate. anin aitsuman dakule a tanongban bangsale yernaite gamle.

Jisun a hanangna maranji janang gijleji itente Jisun Olive baruban saring ruangba ayireten ate. Bindo amben a gijte adayernan. Anin yartenai engale ruanganba anin yarlen.

Ogandile gijba ‘Anin kun ambrij yirtai’ agaramgaman. Angante mandranji bigarda disa yirteji baranaben asan do aninji anabhanaji badaten kun a desan ambrij, kuddub baralingan do aninji alnumlingan bandaten. Angante aninji yartenaiji a gorjangbanji, barij banandan dakuten amaanglinganji, a tnimyimanji, anabhanan-lingan bigardanji amaangling, do a dirna-linganji. Bindo angante Kitungan Jisun dayrtai, Anin dayertai engale Anin daku. a tnimyiman adbandane. Engale abmang anin dakule maandranji ampara atigoina dakute, Anin lumte engale abmang ambrij. Anin adbangdane.

Kun ayam saring, Anin a u’an ajandrum s’iban agobgob daku anlen abmele Anin tanangte. Anin anlen abmele darakunan gabdille. Anin Marid Janggardan appailai ordarban, anlen ampara adakunaben asan. Do ajardin na, Anin antai urunglangne. Tanahimdam Kitungan a onagji, oskailen dakunaba ayirtaih abmele do bangsale dakunaba.

Okiy Kinolbe absele: “bar hen anin a d’ong temangmadta-hen gijtai; m’oddam-hen Anin a d’ong gijte, bzgarda m’odan ted. D’ong-ling-hen j’e-hen g’oite” (Ayob 19:27).