Mar 30 – Inslo-boijan a s’ingdaman gutulte!

“Banuddi boijan a s’ingdaman gutulte, bindo er buddi boijan a s’idaman batte antate abrzrdangte” (Bangsa Hanang 14:1).

Banuddi boijan a s’ingdaman gutulte do sanabyun pangtai. Kan ambrij a inslobajan sanaisai banuddidage birinda-lingan abhanaten ate, bo s’ingan asagalben do s’ing birindan a gijgijben kuddub-lingan. nami ambrij a dinna-ling, sidrungan aboi bo murdadage dele. Ateng mandranji daku absidrungben abmele kani kuni gamle ranan do taroltolna bogad aninji bo birindan saring a sidrungnaben sailejiden. Do gamang maran a d’ong saiteji, bindo banuddi adakule janang, do a mandrengmadtan sikoijan kanalkalan dakute.

Bangsa Hanang kambol-lingan, ateng inslobojanji abmele gadlamlangten, jznjzndage banuddi bojanji. Ateng asan ateng birindanji janodabojanji batte kanurkuran dete.

Anab-bagu-lingan, anlen kinolabe banuddibojan abmele bokurdi-aboi asurda-lingan bangsa hanang kabol-lingan. “Surbuddiboi buten rapti hangte? Anin a janattin mukta ranan saring awrdam” (Bangsa Hanang 31:10). Tinne gijtabe bangsale gadlamlangten inslobojan a banangsa bojan. Butente aninji daman abmele inslobojan saiteji aninji abmele kan ate akinolbe sanaisai.

Anab-yagi-lingan, anlen gijtabe lagadbojan 1 Pitor 3:4. “Amben a baiyera taramtaman u’un a an-ganalun, ranan a tanoltolan, 0rde sindn‘n a janiji er delabe, osantan Kitungan a ganijgij lingan ateng janattidage a delen a lagaddam do sayudam j’en a er san’zddam tanoltolan batte uggar lingan a sanoao mandrage a tanoltol an no de-ete” (1 Pitor 3:4-5).

Anab-unji-lingan, bibolan gadlamlangten inslobojan Kitungan abanagtongan abmele buten berte, Bangsa Hanang 31:30. Lananggin janoldadage do tanamsengan asanggen, bindo ayengan a insalo Gamangtungan a d’ong bantongte anin sanensenan dete na” (Bangsa Hanang 31:30).

Anab-moiloi-lingan, anlen kinotaben ayengan umeng j’en a insalobojan abmele Hanagod kambol-lingan. “Ongger orde insalo, dajingte mandra man’oih-j’edage dakuleji, anta a kuddubanji yeran yerre ranedduban, pogordikuban, ensin do rana-tangan, kan a kuddub rana tanoltolanjin panglaiji…” (Hanagod 35:22). Insalo butente umeng j’en, batte Kitungan a d’ong man’oihan batte lumle. Aninji lumleji do gatberleji Kitungan abaran abmele. Do aninji Kitungan a baran abmele garberleji.

Okiy Kinolbe absele: “Ettegoi na insalonji an ganal u’un orde ranan orde muktan orde ateng janatti kaban batte er jijidamlenbé Kitung gangkilan do bangsa banuddin batte tamseng ka’ban rotuddamneteji. U u, Kitungan a banantongan abmele abpengbaten a insalonji apsele itente tamte, ettegoi bangsa lanuman batte jijieteji” (1 Timoti 2:9-10).