Mar 25 – Anin Surda Bimbiman saring Absamangte!

“Iten asan gamlenden d’ong-ben absamangten a Gamangtungan Hen na” (Hanagod 15:26).

Bimbiman saring sanamangan ahangben dete kan ate Kitungan aitsuman. Kitungan d’ongben agabdilen asan, do bimbimben Anin gosodle sidle do arakadang-lingan, banimbim-lingan amben kanalkalan adhage.

Angante amben agarberten, amben agamte: “Itsumnam ojoraijte, ruang-linga engale daku”. ruangan-lingan bimbimanji do kanalkalan adakue. Pisirdianji agaja adnasueji. Angante Kitunglen ordar-lingan dakule asunji saring Anin daina hangeten.

Abara-lingan, hangan atiyle adanang, agarberlen adanang, orde anamnan adnang, agaja adkadabnad asun orde er t’ulan asan. Anin adnasuad orde ab-bimbimnad. Angante Anin mutas’i bimbimna maranji amangba dakule, kun abimbim adongan adhamad. Iten asan gamlenden Anin andreng gosodle sidle bimbimlenji do arkadang-lingan janang saring, Anin gamle “Hen asulen do amben amelgijlih”. Anin kuddub j’e-lingan dakule a mandranji pangdamneten.

Mona-ling-ben pedde anogandin yirtai, iten asan Kitungan amandranji asuteji gamle? Kan asun agaramgam, pintun na. Angante bo bimbim-maran amangba anurungan dele, endrang absamange abmang, Jisun a d’ongan gamle: “E on, umangna, pintu-nam tanabmadan dele” (Mattiu 9:2). Kun ambrij, angante Anin absamangle bo mandran a d’ong bokurdi mijgal tudru mihnum sikoija Bethesda a tardan batte, Anin gamle a d’ongan: “Gija, amang basalam. Pintun-lumdong okij, kuddub banangsanji yirate mangbanam”. (Jon 5:14).

Tanahimdam Kitungan a onagji, angante amben adpintune, bimbiman janang adhamben. Jajingante ayam, mandranji hangteji bimbiman a pintutenanji asan do uan yangan anagan batte do ajujunji saring janang. Ateng mandranji adernaji kan ate. Bindo anlen kinoltaben Bibol-lingan kan ambrij Daudon a pintun asan, Kitungan a onan a d’ong dangle do kahidle. (2 Samuel 12:14-15).

Aateng asan, kan ambrij kanalkalan ayam-ling, anlendaman ualdamnaben dete, anlen bigardanji batte asulai orde itja, pintunji pingbaba do sanamangan hangba. Bibolan gamte: “Anten asan danusa-benji dile mandran a d’ong arabpengbaba, do yanbe gamle amben sanamangan rapti a hangte kun asan amben dile mandran apsele garberba. Roitad maran a garberan abojoraiben asan karran ranaptidage na” (Jakuba 5:16).

Okiy Kinolbe absele: “Anin banzm-bzm-lenji pangeten, do ruagam-lenji tambedeten” (Mattiu 8:17).