Feb 26 – Banangsan!

“Iten asan gamlenden panaledan a j’on kuddub banangsan, ranoitadan do janardi lingan daku” (Episi 5:9).

Butenbuten banangsa amangling dakute, bangsa gamle gamteji. Banangsan Kitungan do mandran amangling dakute, do anabgugu do bangsa anoblingberan danaina dete. buten buten Marid Janggardan batte barij deteji aninji amangling Kitungdage abanangsa dakute. Anappai Pol gameten: “Bar e buhang-henji, yante gamle amben janang banangsan batte barijdam, do kuddub ganalaman batte barijdam, bar yante gamle amben a dile mandran rapti arakilkilte, kanate amben abmele sakkai derna-hen daku” (Romi 15:14).

Bangsa uggaran bo banangsana. Engale mardir d’an bo tosala-lingan saring ajatadten ambrij, banangsa yirtai bangsa uggaran saring. Engale d’an ambrij, ateng anabsittan adetenji ambrij, amben janang atenganaji saring anabsittan ahangte, angante amben barij adete banangsa batte.

Bibolan gamte Barnabas bangsamar dakule (Anappai 11:24). Itente amangan dakule kudduban timeten do anappai maranji amangba pidneten, kun a lebun Kitungan abarara apsele hanamdrang adete ambrij do banagemaranji do juarbojanji a d’ong. Barokij, angante kuddub mandranji Pol a d’ong Sol gamle gudingleji, kan ate Barnabas abanangsa batte dele, Pol amang saring, ateng baranji batte bigarda bigarda ayirben asan oskaineten. Anin man’oihdam dakule anangte Kitungan a suyeman amangba yiraite, do abuyaling Kitungan a baran lumle a uggarlingan.

Nami ateng mandranji daku banangsa alumben asan, do mandranji a d’ong asayamben a uggarlinganji omengdam dete. bindo a uggarlinganji, aninji kan ambrij lumteji.

Apwrba ayam-lingan, Kitungan gijgijle Israel-maranji a d’ong do gameten danukkan batte: “E Eprayim, aman apsele Hen iten lumai? E Juda, aman apsele Hen iten lumai? Iten asan gamlenden tanimyim-ben tagaldan a taruban ambrij do umeng asarten a kasiradan ambrij daku” (Hosea 6:4).

Marid banangsa, er danukka, Janggardan a J’on. Amben abaran batte banangsa adyie. Banangsa mandrengna aboi engale Kitungan do anabhanaben batten absuite do marid Janggardan batte.

Okiy Kinolbe absele: “Bar e buhang-henji, yante gamle amben janang banangsan batte barijdam, do kuddub ganalaman batte barijdam, bar yante gamle amben a dile mandran rapti arakilkilte, kanate amben abmele sakkai derna-hen daku” (Romi 15:14).