Feb 23 – Sidrung!

“Bar bagu saring anab-yagi dinna lingan Galili desan a kana gorjang lingan bo Sidrungan dele, do Jisun a yangan tetten dakuneten.” (Jon 2:1).

Bibolan gamte sidrungan Jisu arualen ate, a hangnangna maranji do a yangan a d’ong ganudingan dele, anab yagi dinna palli-lingan. engale tarikonji daku, Adiaran aparamangta dinna palli-lingan. sumbaran anab-bagu dinnan do mangardaran anab-yagi dinna palli-lingan. bindo nami a dinna-linganji, buteja mangardaran a dinna-lingan sidrungan adakueji. Mangardaran a dinna-lingan er bangsa dinna gamle dirtenji. Kan mangardaran a dinna-lingan buten buten ate ongija adyireji.

Bindo Jisun ayam-lingan kun ayam sidrungan dakuleji, itente kun ambrij a dinna-lingan banangsa adea orde kan ambrij palli-lingan. aten asan Jisu Kristun kun sidrunglingan maidamlen man’oihan batte a uggar-lingan, a yanangan do ahanangna maranji ampara. Nami, anlen gijtabe kan ambrij a dinna-lingan, do ganuding olan janang gabdileteji. Yang a man’oihan dakule a uggarlingan! Bogad kan ambrij, kan a sidrung-lingan, bangsa man’oihan batte? Kan abmele ogandile gijba.

Anab-yagi dinna abmele ogandile agijba barokij. Kun a dinna saring Kristu namitan sikoija, bagu ajar mihnum abmang. Kitungan aganijgijlen, kan aboi bagu dinna ambrij. Do anlen anab-yagi dinna janang gijtabe. Anab-yagi dinna Kristun a dinna-lingan badloyim-maranji ampara, bo ajar mihnum. Kun ayam-ling, angante bagu ajar mihnum saring takudlih, bibolan guingling. “Ansaring pisirdian gamihten, A On Murkundardan a sidrung jumdarban angganuding maranji man’oihdam na. Bar anin gamihten, Kanate Kitungan a jardi bernan na!” (Anapungge 19:9).

Kitunglen Jisu Kristun sidrung-maran a murkundrangan. Do ranukun itente a mihaman batte hieten, kunina ate sidrung bojan. Engale sidrung-maran sidrung-sing-lingan yitaigane, sanadan batte, Kitungan lanangkaban saring lapsotai bo surda sanadan batte, panedpedan do ranaidihngan batte. Do tanimyim-maraben arabangte armukka armukka. Yan aman’oih kun a dinna! Dile darakunan saring mandranji kun sidrunga apsele Abram Isak do Jakub sanle mandranji yirtaji.

Kuni-lingan man’oihan daku, anerdakan, abduran do soban, do koti-lingan drakyadan adnahide. Gugudage a Raja, anin d’ongben tiyte ganugu batte. Tanahimdam Kitungan a onagji, Kitungan a d’ong amainaben asan amben oskaidampo, anin gugudage sidrungmaran? Oskailen dakunaba anin ayirtaih abmele, amben anin ayirtaih abmele arabangte!

Okiy Kinolbe absele: “Janggardan do sidrungboi gamtji Iyaiba. Butente amdangte.” (Anabpungge 22:17).