Feb 21 – Artanurdu-len!

“bar a jardin na artanurdu-len U’an ampara do a Onan Jisu Kristun ampara daku” (1 Jon 1:3).

Kan ate boi boi bangsa beran Kitungan ajanibjib beran artanudu-len adakunaben abmele. Pwrardaben do Janggardaben Anin batte adakunaben dete. Anin manglinglen dakute. Do anlen Anin ampara daku.

Bo talaiba-bojan dakule do anson basule dakuneten, a s’ing-lingan. a pasijangji bairan adisaba basule adakunji asan, kan ambrij anin dakuneten. Er garberlenben kznkznlingan anabgugu-lingan er dakulenben osantan cinema-lingan magadle. Anin ogandile kan batte anin anablu hangte.

Bo dinna, cinema-lingan, anin tuabmaranji ate gijle itente bo mandra a d’ong a tuab-ben asan yryermanengba mandranji rumlenji, dusan adakuleja. Kun ate anin rumangdale ajardina, do sanabyun s’idle amonna-lingan.

Uan aparamang amaina tanurdun daku? Iten ambrij amandrengna mangben daku berna do anamdangan? Kan abmele ogandile gijba. Bangsa ua hanganji dile a onanji arturdu-lingan dakunaben itsumteji. Aninji janang agardinji a d’ong urungtaiji. Do bogad aninji er marid maran urungtaji, aninji gamteji a pasijanji amang saring sagai dakunaba gamle. Bangsa gardinji a pasinjangji bangsa anabsittan hangteji.

Bangsa gardilenji Kitungan Jisu Kristuna, Anin batte arturdule dile tordong dakunaba. Anin d’onglen garding gamle gudingle. Agajananden amben akznolte Kitungan a berna, amben Kitungan atanurdu-lingan daku. angante amben turdumte, a mukkaba gijgijba do garbernaba, janggardaben atanurdu-lingan dakute. Iten asan gamlenden, Kitungan sagaidamted buteja saring, butente saite a d’ong.

Angante Kitungan mandran a d’ong gabdile, anin ampara adakunaben asan. Anin yirai do iyaiten saje. Pintun batte mandran Kitungan atanurdun s’idle, Kitungan adkaridad. Jisun ildamle yiraiten, mandradage, itente s’idle antate asaiben. Tanahimdam Kitungan a onagji, Kitungan atanurdu-lingan dakunaba.

Okiy Kinolbe absele: “Anin ampara anlen arturdutabe, gaman gamle bogad anlen lungud lingan halabenden, anlen ouuantabe, do janardin adnabukkabe” (1 Jon 1:6).