Jan 23 – Hadab Taniytiyan!

le bangsa asuyem-taniyan do dile hadab taniytiyan lanangkan saring, manan, panaledan a U’an saring latsotai….” (Jakuban 1:17).

Kitungle Jisu Kristun amanglingan Marid Janggardan a taniytiyan daku, amandranji abmele. Eteden amben hadab ayam lingan Janggardan a taniytiyan a hangte, garberben do dernaben batte.

Mangling-ben pedde bo anu’alan dakute Kitungan amang saring hen taniytiyanji hangtai orde idja bar hen hadab po ahangben asan. Bindo bibolan gamte: “E Gamang Kitung, Aman lanangkaban daijan daile koijo maranji koijodage abanjengle, mandranji saring, u u, manedde maranji saring taniytiyanji hangle, yante gamle Aman tetten rapti basute” (Sanenken 68:18). Bibolan gamte: “Anten asan Anin gamete. ‘Lanangkaban daijan daile, Anin koijo maranji koijodage abanjengan abanjengle mandranji a d’ong taniytiyanji tiyeten” (Episi 4:8).

Papwr Anosaijan ayam-ling, Marid Janggardan a taniytiy dihte adakuad. Bindo Tabme Anosaij-lingan, angante lanangkaba hanana-maranji rukulingji garberan batte, ranptidage Marid Janggardan amangbanji labsolai. Do di dargam mandranji Janggardan a taniytiyan hangleji. “Bar kuddub mandranji Marid Janggardan batte barij dean dele, engale Janggardan aninji a dong a oblengben tiyeten, etbele aninji dargam dargam sarrangan batte a oblengben susulenji” (Anappai 2:4).

Kan ate Janggardan ataniytiyan saring, kan batte ordaran galameten do Kitungle ameng Kitung. Bar amben Kristun a bangsa anoblinberan oblingle arabtete, bo surda ranapti batte. Amben kan ataniytiyanji batte rumang baranji lumle araptite.

Anappai Pol gamete: “Tanimyimban, abrijnaba. Janggardadage tamytiyanji a hangben asan umengloge erba guijba” (1 Korintia 14:1). Kan a taniytiyanji butente butente adhangadji, ihang-hangbaji kan ambrij a taniytiyan ahangben apsele. Nami janang dernamaranji, orde taniytiy-lingan dernan agasa amanganji. Orde amangji erganludan daku kan apsele.

Aboi Korintian lingan, tinji Janggardan ataniytiyan abmele kinoltabe, banudi-beran Janggardan saring, ganalam-beran, dernan, sanamangan ataniytiyan, rubmang baranji, tumadgijberan, anabmad ranapti, bigarda bigarda langlanganji, do langlanganji abananda. (1 Korintian 12:8-10). Kan kudduban ataniytiyan amben apsele danakkun dele.

Tinji Janggardan ataniytiyan daku, etigoi tinji Janggardan aj’on daku. tanimihaman. Man’oihan, sanabyun, ateng-ayam sanaiyen, asuyeman, banangsan, dernan, lanagadan, ladladj’edamnan. (Galatianji 5:22-23).

Janggardan aj’on do Janggardan ataniytiyan rabangtabe. Ateng mandranji Janggardan ataniytiyan hangleji bindo aninji kinsalingji do aninji duain deteji. Tanahimdam Kitungan a onagji, Janggardan aj’on do taniytiyan ahangba do Kitungan a d’ong abgugule adakunaba.

Okiy Kinolbe absele: “Tanimyim mar-hen a kuttaban yerre gamete do kuttan a jznjzn bangsa j’onji jumete” (Solomon a Kanen 4:16).