ਦਸੰਬਰ 12 – ਯਹੋਵਾਹ ਦੇ ਰਾਹ ਵਿੱਚ!
elimchurchgospel“ਯਹੋਵਾਹ ਤੇਰਾ ਛੁਡਾਉਣ ਵਾਲਾ, ਇਸਰਾਏਲ ਦਾ ਪਵਿੱਤਰ ਪੁਰਖ ਇਹ ਆਖਦਾ ਹੈ, ਮੈਂ ਯਹੋਵਾਹ ਤੇਰਾ ਪਰਮੇਸ਼ੁਰ ਹਾਂ, ਜੋ ਤੈਨੂੰ ਲਾਭ ਉਠਾਉਣ ਦੀ ਸਿੱਖਿਆ ਦਿੰਦਾ ਹਾਂ, ਜੋ ਤੈਨੂੰ ਉਸ ਰਾਹ ਪਾਉਂਦਾ ਹਾਂ, ਜਿਸ ਰਾਹ ਤੂੰ ਜਾਣਾ ਹੈ”(ਯਸਾਯਾਹ 48:17)।
ਜਦੋਂ ਤੁਸੀਂ ਆਪਣੇ ਆਪ ਨੂੰ ਉਸਦੇ ਹੱਥਾਂ ਵਿੱਚ ਸਮਰਪਿਤ ਕਰ ਦਿੰਦੇ ਹੋ ਕਿ ਉਹ ਤੁਹਾਡੀ ਅਗਵਾਈ ਕਰੇ, ਤਾਂ ਪ੍ਰਭੂ ਆਪਣੇ ਮਕਸਦ ਦੇ ਅਨੁਸਾਰ ਤੁਹਾਡੀ ਅਗਵਾਈ ਕਰੇਗਾ। ਉਹ ਤੁਹਾਨੂੰ ਇੱਕ ਸੰਪੂਰਨ ਰਾਹ ਤੇ ਲੈ ਕੇ ਜਾਵੇਗਾ। ਜਦੋਂ ਅਸੀਂ ‘ਉਹ ਸਾਡੀ ਅਗਵਾਈ ਕਰੇਗਾ’ ਦਾ ਜ਼ਿਕਰ ਕਰਦੇ ਹਾਂ, ਤਾਂ ਇਸਦਾ ਮਤਲਬ ਹੈ ਕਿ ਉਹ ਸਾਡੇ ਨਾਲ ਹੈ, ਸਾਡੇ ਰਾਹ ਵਿੱਚ ਸਾਡੀ ਅਗਵਾਈ ਕਰਨ ਦੇ ਲਈ। ਇਸ ਲਈ ਰਾਜਾ ਦਾਊਦ ਨੇ ਕਿਹਾ, “ਭਾਵੇ ਮੈਂ ਮੌਤ ਦੀ ਛਾਂ ਦੀ ਵਾਦੀ ਵਿੱਚ ਫਿਰਾਂ, ਮੈਂ ਕਿਸੇ ਬਦੀ ਤੋਂ ਨਹੀਂ ਡਰਾਂਗਾ, ਤੂੰ ਜੋ ਮੇਰੇ ਨਾਲ ਹੈ। ਤੇਰੀ ਸੋਟੀ ਤੇ ਤੇਰੀ ਲਾਠੀ, ਇਹ ਮੈਨੂੰ ਤਸੱਲੀ ਦਿੰਦੀਆਂ ਹਨ”(ਜ਼ਬੂਰਾਂ ਦੀ ਪੋਥੀ 23:4)।
ਅੱਜ ਆਮ ਤੌਰ ‘ਤੇ ਮਨੁੱਖ ਆਪਣੀ ਤਾਕਤ ਅਤੇ ਬੁੱਧੀ ਨਾਲ ਆਪਣੇ ਲਈ ਇੱਕ ਰਾਹ ਬਣਾਉਣ ਦੀ ਕੋਸ਼ਿਸ਼ ਕਰਦਾ ਹੈ। ਉਹ ਆਪਣੇ ਮਨ ਵਿੱਚ ਸੋਚਦਾ ਹੈ ਕਿ ਉਸਨੂੰ ਕਿਸੇ ਦੀ ਅਗਵਾਈ ਕਰਨ ਜਾਂ ਸਲਾਹ ਲੈਣ ਦੀ ਜ਼ਰੂਰਤ ਨਹੀਂ ਹੈ। ਉਹ ਸੋਚਦਾ ਹੈ ਕਿ ਉਸਦੇ ਕੋਲ ਪਹਿਲਾਂ ਤੋਂ ਹੀ ਸਾਰਾ ਗਿਆਨ, ਬੁੱਧੀ ਅਤੇ ਦਿਮਾਗ ਦੀ ਤੇਜ਼ੀ ਹੈ ਜਿਸਦੀ ਉਸਨੂੰ ਜ਼ਰੂਰਤ ਹੈ। ਪਰ ਜਿਹੜਾ ਉਸਨੂੰ ਇੱਕ ਸੰਪੂਰਨ ਰਾਹ ਵਜੋਂ ਦਿਖਾਈ ਦਿੰਦਾ ਹੈ, ਉਹ ਮੌਤ ਅਤੇ ਵਿਨਾਸ਼ ਦੇ ਰਾਹ ਵਿੱਚ ਬਦਲ ਜਾਂਦਾ ਹੈ। ਬਹੁਤਿਆਂ ਨੂੰ ਗਲਤ ਤਰੀਕਿਆਂ ਨਾਲ ਲਿਜਾਇਆ ਜਾਂਦਾ ਹੈ, ਕਿਉਂਕਿ ਉਹ ਸ਼ੈਤਾਨੀ ਅਤੇ ਅਸ਼ੁੱਧ ਆਤਮਾਵਾਂ, ਕਾਮਨਾ ਦੀਆਂ ਆਤਮਾਵਾਂ, ਸ਼ਰਾਬੀ ਅਤੇ ਵਿਭਚਾਰ ਨਾਲ ਪੀੜਤ ਹਨ।
ਆਪਣੇ ਜਵਾਨੀ ਦੇ ਦਿਨਾਂ ਵਿੱਚ, ਯੂਸੁਫ਼ ਨੇ ਆਪਣੇ ਜੀਵਨ ਵਿੱਚ ਪਰਮੇਸ਼ੁਰ ਦੀ ਅਗਵਾਈ ਦੇ ਬਾਰੇ ਸੋਚਿਆ ਹੋਵੇਗਾ। ਉਸ ਦੇ ਮਨ ਵਿੱਚ ਕਈ ਸਵਾਲ ਹੋ ਸਕਦੇ ਹਨ ਜਿਵੇਂ ਕਿ, ‘ਮੇਰੇ ਭਰਾਵਾਂ ਨੇ ਮੈਨੂੰ ਮਿਦਯਾਨੀਆਂ ਨੂੰ ਗ਼ੁਲਾਮ ਦੇ ਵਜੋਂ ਕਿਉਂ ਵੇਚਿਆ?, ‘ਮੈਨੂੰ ਮਿਸਰ ਵਿੱਚ ਹੀ ਕਿਉਂ ਭੇਜਿਆ ਗਿਆ?, ਕਿਉਂ ਮੈ ਪੋਟੀਫ਼ਰ ਦੇ ਘਰ ਵਿੱਚ ਝੂਠੇ ਇਲਜ਼ਾਮਾਂ ਦਾ ਸ਼ਿਕਾਰ ਹੋਇਆ, ਭਾਵੇਂ ਕਿ ਮੈਂ ਸੱਚਾ ਸੀ? ਪਰ ਇੱਕ ਦਿਨ, ਜਦੋਂ ਪ੍ਰਭੂ ਨੇ ਉਨ੍ਹਾਂ ਸਾਰੀਆਂ ਅਜ਼ਮਾਇਸ਼ਾਂ ਅਤੇ ਮੁਸੀਬਤਾਂ ਨੂੰ ਚੰਗੇ ਵਿੱਚ ਬਦਲ ਦਿੱਤਾ, ਤਾਂ ਯੂਸੁਫ਼ ਨੇ ਮਹਿਸੂਸ ਕੀਤਾ ਕਿ ਪ੍ਰਮੇਸ਼ਵਰ ਨਾਲ ਪਿਆਰ ਕਰਨ ਵਾਲਿਆਂ ਦੇ ਲਈ ਸਾਰੀਆਂ ਚੀਜ਼ਾਂ ਮਿਲ ਕੇ ਭਲਿਆਈ ਦੇ ਕੰਮ ਕਰਦੀਆਂ ਹਨ।
ਜਦੋਂ ਉਸ ਨੂੰ ਮਿਸਰ ਦੇ ਪ੍ਰਧਾਨ ਮੰਤਰੀ ਦੇ ਵਜੋਂ ਨਿਯੁਕਤ ਕੀਤਾ ਗਿਆ, ਤਾਂ ਉਹ ਸਮਝ ਗਿਆ ਸੀ ਕਿ ਉਹ ਅਸਲ ਵਿੱਚ ਪਰਮੇਸ਼ੁਰ ਦੇ ਸ਼ਕਤੀਸ਼ਾਲੀ ਹੱਥਾਂ ਦੁਆਰਾ ਨਿਯੁਕਤ ਕੀਤਾ ਗਿਆ ਸੀ, ਤਾਂ ਕਿ ਉਸ ਨੂੰ ਮਿਸਰ ਵਿੱਚ ਰੱਖਿਆ ਜਾ ਸਕੇ ਅਤੇ ਉਸਨੂੰ ਉਸ ਸਥਿਤੀ ਵਿੱਚ ਆਪਣੇ ਪਰਿਵਾਰ ਦੀ ਦੇਖਭਾਲ ਕਰਨ ਦੀ ਸਥਿਤੀ ਵਿੱਚ ਰੱਖਿਆ ਜਾ ਸਕੇ। ਉਹੀ ਪਰਮੇਸ਼ੁਰ, ਜਿਸ ਨੇ ਯੂਸੁਫ਼, ਦਾਊਦ, ਦਾਨੀਏਲ ਅਤੇ ਉਸਦੇ ਸਾਰੇ ਪਵਿੱਤਰ ਲੋਕਾਂ ਦੀ ਅਗਵਾਈ ਕੀਤੀ, ਜ਼ਰੂਰ ਹੀ ਤੁਹਾਡੀ ਅਗਵਾਈ ਕਰੇਗਾ ਅਤੇ ਤੁਹਾਡਾ ਮਾਰਗ ਦਰਸ਼ਨ ਕਰੇਗਾ। ਇਸ ਲਈ, ਡਰੋ ਨਾ ਅਤੇ ਨਾ ਹੀ ਨਿਰਾਸ਼ ਹੋਵੋ, ਅਤੇ ਰਾਹ ਵਿੱਚ ਤੁਹਾਡੀ ਅਗਵਾਈ ਕਰਨ ਦੇ ਲਈ ਉਸਦੇ ਵੱਲ ਦੇਖੋਂ।
ਮੈਂ ਵੀ ਪਿੱਛੇ ਮੁੜਦਾ ਹਾਂ ਅਤੇ ਉਨ੍ਹਾਂ ਮਹਾਨ ਤਰੀਕਿਆਂ ਨੂੰ ਦੇਖਦਾ ਹਾਂ ਜਿਨ੍ਹਾਂ ਵਿੱਚ ਸਾਡੇ ਪ੍ਰਭੂ ਨੇ ਮੇਰੇ ਪਿਤਾ ਦੀ ਅਗਵਾਈ ਕੀਤੀ ਸੀ। ਉਨ੍ਹਾਂ ਨੇ ਇੱਕ ਕਰਿਆਨੇ ਦੀ ਦੁਕਾਨ ਵਿੱਚ ਸਹਾਇਕ ਦੇ ਰੂਪ ਵਿੱਚ ਸ਼ੁਰੂਆਤ ਕੀਤੀ। ਬਾਅਦ ਵਿੱਚ, ਉਸਨੇ ਇੱਕ ਸਾਲ ਦੇ ਲਈ ਇੱਕ ਸਕੂਲ ਵਿੱਚ ਅਧਿਆਪਕ ਦੇ ਵਜੋਂ ਕੰਮ ਕੀਤਾ। ਇਸ ਤੋਂ ਬਾਅਦ, ਪ੍ਰਮੇਸ਼ਵਰ ਦੀ ਕਿਰਪਾ ਨਾਲ, ਉਨ੍ਹਾਂ ਨੂੰ ਸੋਲਾਂ ਸਾਲ ਤੱਕ ਆਮਦਨ ਵਿਭਾਗ ਵਿੱਚ ਕੰਮ ਕਰਨ ਦਾ ਮੌਕਾ ਮਿਲਿਆ। ਪ੍ਰਮੇਸ਼ਵਰ ਦੀ ਆਤਮਾ ਨੇ ਉਸ ਦੀ ਅਗਵਾਈ ਕਰਨਾ ਜਾਰੀ ਰੱਖਿਆ ਅਤੇ ਮੇਰੇ ਪਿਤਾ ਨੂੰ ਪਰਮੇਸ਼ੁਰ ਦੀ ਸੇਵਕਾਈ ਵਿੱਚ ਸਥਾਪਿਤ ਕੀਤਾ। ਉਸ ਦੇ ਦ੍ਰਿੜ੍ਹ ਵਿਸ਼ਵਾਸ ਦੇ ਕਾਰਨ ਕਿ ਪ੍ਰਭੂ ਜਿਸਨੇ ਉਸਨੂੰ ਹੁਣ ਤੱਕ ਅੱਗੇ ਵਧਾਇਆ ਹੈ ਉਹ ਭਵਿੱਖ ਵਿੱਚ ਵੀ ਉਸਦੀ ਅਗਵਾਈ ਕਰਦਾ ਰਹੇਗਾ, ਪ੍ਰਭੂ ਨੇ ਉਸਨੂੰ ਅੰਤ ਤੱਕ ਇੱਕ ਸ਼ਕਤੀਸ਼ਾਲੀ ਤਰੀਕੇ ਨਾਲ ਇਸਤੇਮਾਲ ਕੀਤਾ।ਪ੍ਰਮੇਸ਼ਵਰ ਦੇ ਪਿਆਰੇ ਬੱਚਿਓ, ਸਾਡਾ ਪ੍ਰਮੇਸ਼ਵਰ ਸ਼ਕਤੀਸ਼ਾਲੀ ਹੈ ਅਤੇ ਤੁਹਾਡੀ ਅਗਵਾਈ ਕਰਨ ਵਿੱਚ ਸਮਰੱਥੀ ਹੈ। ਅਤੇ ਉਹ ਤੁਹਾਡਾ ਮਾਰਗ ਦਰਸ਼ਨ ਕਰੇਗਾ ਅਤੇ ਅੰਤ ਤੱਕ ਅਗਵਾਈ ਕਰੇਗਾ।
ਅਭਿਆਸ ਕਰਨ ਲਈ – “ਤੁਹਾਡੇ ਵਿੱਚ ਕੌਣ ਯਹੋਵਾਹ ਤੋਂ ਡਰਦਾ ਹੈ, ਅਤੇ ਉਸ ਦੇ ਦਾਸ ਦੀ ਅਵਾਜ਼ ਸੁਣਦਾ ਹੈ? ਜਿਹੜਾ ਹਨੇਰੇ ਵਿੱਚ ਚੱਲਦਾ ਅਤੇ ਉਸ ਦੇ ਲਈ ਚਾਨਣ ਨਾ ਹੋਵੇ, ਉਹ ਯਹੋਵਾਹ ਦੇ ਨਾਮ ਉੱਤੇ ਭਰੋਸਾ ਰੱਖੇ, ਅਤੇ ਆਪਣੇ ਪਰਮੇਸ਼ੁਰ ਉੱਤੇ ਢਾਸਣਾ ਲਾਵੇ”(ਯਸਾਯਾਹ 50:10)।