ਨਵੰਬਰ 15 – ਘੁੰਡ ਦੇ ਪਿੱਛੇ!
elimchurchgospel“ਤੇਰੀਆਂ ਅੱਖਾਂ ਤੇਰੇ ਘੁੰਡ ਦੇ ਹੇਠ ਕਬੂਤਰੀ ਵਰਗੀਆਂ ਹਨ”(ਸਰੇਸ਼ਟ ਗੀਤ 4:1)।
ਘੁੰਡ ਦੇ ਪਿੱਛੇ ਇੱਕ ਕਬੂਤਰ ਦੀਆਂ ਅੱਖਾਂ, ਉਸ ਤਰ੍ਹਾਂ ਦੀਆਂ ਅੱਖਾਂ ਹਨ ਜਿਨ੍ਹਾਂ ਦੀ ਪ੍ਰਭੂ ਪ੍ਰਸ਼ੰਸਾ ਕਰਦਾ ਹੈ। ਇੱਥੇ ‘ਘੁੰਡ’ ਦੀ ਤੁਲਨਾ ਪ੍ਰਭੂ ਨੂੰ ਦਿੱਤੇ ਗਏ ਆਦਰ ਨਾਲ ਕੀਤੀ ਗਈ ਹੈ ਅਤੇ ਇਹ ਪ੍ਰਾਰਥਨਾ ਦਾ ਵੀ ਪ੍ਰਤੀਕ ਹੈ। ਇਹ ਪ੍ਰਾਰਥਨਾ ਵਿੱਚ ਲੱਗੀਆਂ ਸਮਰਪਿਤ ਔਰਤਾਂ ਦੀ ਤਸਵੀਰ ਨੂੰ ਦਰਸਾਉਂਦਾ ਹੈ ਕਿਉਂਕਿ ਉਨ੍ਹਾਂ ਦੇ ਸਿਰ ਘੁੰਡ ਨਾਲ ਢਕੇ ਹੋਏ ਹਨ।
ਜਦੋਂ ਵੀ ਪ੍ਰਭੂ ਉਨ੍ਹਾਂ ਪ੍ਰਾਰਥਨਾ ਯੋਧਿਆਂ ਨੂੰ ਉਤਸ਼ਾਹ ਨਾਲ ਪ੍ਰਾਰਥਨਾ ਕਰਦੇ ਹੋਏ ਦੇਖਦੇ ਹਨ, ਉਨ੍ਹਾਂ ਦੀਆਂ ਅੱਖਾਂ ਵਿੱਚ ਹੰਝੂਆਂ ਦੇ ਨਾਲ ਉਨ੍ਹਾਂ ਦੇ ਦਿਲਾਂ ਵਿੱਚ ਭਾਰੀ ਬੋਝ ਦੇ ਨਾਲ ਪ੍ਰਾਰਥਨਾ ਕਰਦੇ ਹਨ ਅਤੇ ਵਿਚਕਾਰ ਵਿੱਚ ਖੜ੍ਹੇ ਹੁੰਦੇ ਹਨ ਅਤੇ ਦੂਸਰਿਆਂ ਦੇ ਲਈ ਪ੍ਰਾਰਥਨਾ ਕਰਦੇ ਹਨ, ਉਹ ਉਨ੍ਹਾਂ ਦੀ ਪ੍ਰਸ਼ੰਸਾ ਕਰਦੇ ਹਨ ਅਤੇ ਉਨ੍ਹਾਂ ਨੂੰ ਦੱਸਦੇ ਹਨ “ਉਨ੍ਹਾਂ ਦੀਆਂ ਅੱਖਾਂ ਤੇਰੇ ਘੁੰਡ ਦੇ ਹੇਠ ਕਬੂਤਰੀ ਵਰਗੀਆਂ ਹਨ(ਸਰੇਸ਼ਟ ਗੀਤ 4:1)। ਅੱਜ ਪ੍ਰਭੂ ਨੂੰ ਤੁਰੰਤ ਪ੍ਰਾਰਥਨਾ ਯੋਧਿਆਂ ਦੀ ਜ਼ਰੂਰਤ ਹੈ ਜਿਹੜੇ ਪ੍ਰਮੇਸ਼ਵਰ ਦੀ ਹਜ਼ੂਰੀ ਵਿੱਚ ਖੜੇ ਹੋਣਗੇ ਅਤੇ ਦੂਸਰਿਆਂ ਦੀਆਂ ਜ਼ਰੂਰਤਾਂ ਦੇ ਲਈ ਦਖ਼ਲ ਦੇਣਗੇ।
ਅਸੀਂ ਆਪਣੇ ਆਤਮਿਕ ਪੂਰਵਜ ਅਬਰਾਹਾਮ ਨੂੰ ਉਤਪਤ ਦੇ 18ਵੇਂ ਅਧਿਆਇ ਵਿੱਚ ਇਸ ਸੇਵਕਾਈ ਦੀ ਸ਼ੁਰੂਆਤ ਕਰਦੇ ਹੋਏ ਦੇਖਦੇ ਹਾਂ। ਜਦੋਂ ਤੁਸੀਂ ਇਸ ਅਧਿਆਇ ਨੂੰ ਪੜ੍ਹੋਗੇ, ਤਾਂ ਤੁਸੀਂ ਸਮਝੋਗੇ ਕਿ ਸਦੂਮ ਅਤੇ ਅਮੂਰਾਹ ਦੇ ਸ਼ਹਿਰਾਂ ਦੇ ਲਈ ਪ੍ਰਾਰਥਨਾ ਅਤੇ ਬੇਨਤੀ ਕਰਦੇ ਹੋਏ ਉਸਦੇ ਦਿਲ ਵਿੱਚ ਕਿਸ ਤਰ੍ਹਾਂ ਦਾ ਬੋਝ ਸੀ। ਇਹ ਉਸਦੇ ਦਿਲ ਦੇ ਭਾਰੀਪਣ ਤੋਂ ਪੈਦਾ ਹੋਈ ਪ੍ਰਾਰਥਨਾ ਸੀ, ਕਿਉਂਕਿ ਉਹ ਪਿਆਰ ਅਤੇ ਦਯਾ ਨਾਲ ਭਰਿਆ ਹੋਇਆ ਸੀ।
ਮੂਸਾ ਦੀਆਂ ਅੱਖਾਂ ਵੀ ਕਬੂਤਰ ਵਰਗੀਆਂ ਸੀ। ਪਰਮੇਸ਼ੁਰ ਨੇ ਸਾਰੇ ਇਸਰਾਏਲੀਆਂ ਨੂੰ ਉਨ੍ਹਾਂ ਦੇ ਬੁੜਬੁੜਾਉਣ ਦੇ ਕਾਰਨ ਨਸ਼ਟ ਕਰਨ ਦਾ ਇਰਾਦਾ ਕੀਤਾ। ਅਤੇ ਇਹ ਸਿਰਫ਼ ਮੂਸਾ ਦੀ ਸਿਫ਼ਾਰਸ਼ ਦੇ ਕਾਰਨ ਸੀ ਜਿਹੜਾ ਉਨ੍ਹਾਂ ਦੇ ਵਿਚਕਾਰ ਖੜ੍ਹਾ ਸੀ ਅਤੇ ਉਨ੍ਹਾਂ ਦੇ ਲਈ ਪ੍ਰਾਰਥਨਾ ਕਰਦਾ ਸੀ, ਕਿ ਪ੍ਰਭੂ ਨੇ ਆਪਣਾ ਦਿਲ ਬਦਲ ਦਿੱਤਾ ਅਤੇ ਉਸ ਤਬਾਹੀ ਤੋਂ ਦੂਰ ਕਰ ਦਿੱਤਾ।
ਅਸਤਰ ਵੱਲ ਦੇਖੋ! ਉਸਨੇ ਤਿੰਨ ਦਿਨਾਂ ਤੱਕ ਬਿਨਾਂ ਕੁੱਝ ਖਾਧੇ-ਪੀਤੇ ਵਰਤ ਰੱਖੇ, ਅਤੇ ਹੰਝੂਆਂ ਦੇ ਨਾਲ ਪ੍ਰਾਰਥਨਾ ਕੀਤੀ ਅਤੇ ਸਾਰੇ ਯਹੂਦੀ ਲੋਕਾਂ ਨੂੰ ਨਿਸ਼ਚਿਤ ਮੌਤ ਤੋਂ ਬਚਾਉਣ ਦੇ ਯੋਗ ਸੀ। ਪ੍ਰਭੂ ਉਤਸੁਕਤਾ ਨਾਲ ਅਜਿਹੇ ਲੋਕਾਂ ਦੀ ਭਾਲ ਕਰ ਰਹੇ ਹਨ ਜਿਹੜੇ ਵਿਚਕਾਰ ਖੜੇ ਹੋਣ ਅਤੇ ਦੂਸਰਿਆਂ ਦੇ ਵੱਲੋਂ ਪ੍ਰਾਰਥਨਾ ਕਰਨ।
ਹੋ ਸਕਦਾ ਹੈ ਕਿ ਤੁਹਾਡੇ ਨਿੱਜੀ ਜੀਵਨ ਵਿੱਚ, ਵਿਰੋਧੀ ਦੁਆਰਾ ਲਿਆਏ ਗਏ ਬਹੁਤ ਸਾਰੇ ਮੁੱਦੇ ਅਤੇ ਸ਼ੰਘਰਸ ਹੋਣ, ਜਾਂ ਹੋ ਸਕਦਾ ਹੈ ਕਿ ਪਰਿਵਾਰ ਵਿੱਚ ਸ਼ਾਂਤੀ ਨਾ ਹੋਵੇ। ਉਸ ਸਥਿਤੀ ਵਿੱਚ, ਜਿਵੇਂ ਕਿ ਯਿਰਮਿਯਾਹ 29:13 ਵਿੱਚ ਦੱਸਿਆ ਗਿਆ ਹੈ, ਤੁਹਾਨੂੰ ਆਪਣੇ ਪੂਰੇ ਦਿਲ ਨਾਲ ਯਹੋਵਾਹ ਨੂੰ ਭਾਲਣਾ ਚਾਹੀਦਾ ਹੈ ਅਤੇ ਆਪਣੀਆਂ ਸਾਰੀਆਂ ਸਮੱਸਿਆਵਾਂ ਨੂੰ ਦੂਰ ਕਰਨਾ ਚਾਹੀਦਾ ਹੈ। ਉਸਨੂੰ ਲੱਭਣਾ ਸਿੱਖੋ, ਅਤੇ ਅੱਧੀ ਰਾਤ ਨੂੰ ਵੀ ਪ੍ਰਾਰਥਨਾ ਦਾ ਤਜ਼ਰਬਾ ਕਰੋ। (ਜ਼ਬੂਰਾਂ ਦੀ ਪੋਥੀ 119:62)। ਅਤੇ ਪਰਮੇਸ਼ੁਰ ਤੁਹਾਡੀਆਂ ਪ੍ਰਾਰਥਨਾਵਾਂ ਦਾ ਉੱਤਰ ਦਿੱਤੇ ਬਿਨਾਂ ਤੁਹਾਨੂੰ ਪਾਸ ਨਹੀਂ ਕਰੇਗਾ।
ਹੁਣ, ਯਿਸੂ ਦੀਆਂ ਅੱਖਾਂ ਕਿਵੇਂ ਦੀਆਂ ਸੀ? ਉਸ ਦੀਆਂ ਅੱਖਾਂ ਪਾਣੀ ਦੀਆਂ ਨਦੀਆਂ ਦੇ ਕਬੂਤਰਾਂ ਦੇ ਵਰਗੀਆਂ ਹਨ, ਦੁੱਧ ਨਾਲ ਧੋਤੀਆਂ, ਅਤੇ ਚੰਗੀ ਤਰ੍ਹਾਂ ਠੀਕ ਹਨ। ਯਿਸੂ ਲਾਜ਼ਰ ਦੀ ਮੌਤ ‘ਤੇ ਰੋਇਆ (ਯੂਹੰਨਾ ਦੀ ਇੰਜੀਲ 11:35)। ਉਸਨੇ ਯਰੂਸ਼ਲਮ ਦੇ ਸ਼ਹਿਰ ਨੂੰ ਦੇਖਿਆ ਅਤੇ ਉਸ ਉੱਤੇ ਰੋਇਆ (ਲੂਕਾ ਦੀ ਇੰਜੀਲ 19:41)। ਅਤੇ ਗਥਸਮਨੀ ਦੇ ਬਾਗ਼ ਵਿੱਚ ਉਸਨੇ ਤੜਫਦੇ ਹੋਏ ਸਾਰੇ ਜਗਤ ਦੇ ਲਈ ਪ੍ਰਾਰਥਨਾ ਕੀਤੀ, ਜਦੋਂ ਤੱਕ ਉਸਦਾ ਪਸੀਨਾ ਲਹੂ ਦੀਆਂ ਵੱਡੀਆਂ ਬੂੰਦਾਂ ਦੇ ਵਾਂਗ ਧਰਤੀ ਉੱਤੇ ਨਹੀਂ ਡਿੱਗਿਆ।
ਪ੍ਰਮੇਸ਼ਵਰ ਦੇ ਪਿਆਰੇ ਬੱਚਿਓ, ਪ੍ਰਮੇਸ਼ਵਰ ਦੀ ਹਜ਼ੂਰੀ ਵਿੱਚ ਆਪਣੇ ਗੋਡਿਆਂ ਨੂੰ ਝੁਕਾਓ ਅਤੇ ਹੰਝੂਆਂ ਦੇ ਨਾਲ ਉਤਸ਼ਾਹ ਪੂਰਵਕ ਪ੍ਰਾਰਥਨਾ ਕਰਨਾ ਸ਼ੁਰੂ ਕਰੋ।
ਅਭਿਆਸ ਕਰਨ ਲਈ – “ਮੈਂ ਦਾਊਦ ਦੇ ਘਰਾਣੇ ਅਤੇ ਯਰੂਸ਼ਲਮ ਦੇ ਵਾਸੀਆਂ ਉੱਤੇ ਕਿਰਪਾ ਅਤੇ ਦਯਾ ਦਾ ਆਤਮਾ ਵਹਾਵਾਂਗਾ”(ਜ਼ਕਰਯਾਹ 12:10)