Apr 04 – Senba Kuddub-lingan!

“Kitungan a d’ong a ernoblengan asuyem- taniyan abmele sanensenan de—ete” (2 Korintia 9:15).

Kitungan anabsitta manglingben daku do hangdrangaanji tiytaben, erobjongdage, do erdisamdage. Anin ordaran anabsittan tiybenten, janggardadage anabsittan batte, ruangan anabsittan do erahid anabsittan. Ateng anabsittanji ahangtaben atikki, er senlaben do erabgugulaben dakulen raptitabe po?

Gijba yang abangsa kan ordaran gabdile, anlen abmele ahamdramben, asui mandrengna-lingan kan ordarba. Anin uyunga tiyle appuangben dinna-lingan do angaitan urunb-lingan, er disamdage atuituijanji, d’an gabdile agaben asan, ganuran, rangen atohimnaben asan, janumjumanji yang abangsa gugudage Kitungan ataniytiyan! Abgugute do asenkendrante po, bo surda j’en batte, Kuddubgod-lingan?

Amben asenben dete do abguguben dete sanabyun ahangben asan, ruangan aman’oihan, erahida mandrengna abmele, do Kitungdage aluluna ahangben abmele. Senba garberben amdangben asan, ganargarben amdangte, danaben amaddaben kuddub bandaten man’oihban. Bo bangsa taniytiyan abmele senba, itente tiybente.

Kitungan Marid Janggardan tiyanten anlen ampara adakunaben abmele, do ranpti tiyle lanankaban saring do ruangan aranaptin. Anin Janggardan ranaptin tiyle handraamlangten a s’i-lingan. Janggaardadage a j’on tiyaiten. Yangam amben adakuten er senlaben do erabgugulabe kuddub taniytiy-lingan?! senle do abguguba.

Tanahimdam Kitungan a onagji, abgugule tanimhiman batte Kitunglingan m’oihnaba, kuddub danusalenji atabmadlen asan, kuddub bimbimleji absamanglen asan, sanidban saring d’ongben ablule, tanimyiman batte ranubban tiybenten do sanabyun do bartable mandrengnaben ardangan ambrij.

Okiy Kinolbe absele: “Aman bera mar-henji adamban mukkaba-hen garagan a tebzlan oskaite, Aman miholan batte jodboblih; garagaman-hen gutsurte” (Sanenken 23:5).