Mar 22 – SWARGADA YENGKHATLU !

“Swargada yengkhatlu,aduga thawan michak singdu yengu masing thiba ngambra?Aduga Mahakna mangonda haibikhi, “nahakki Charon singbusu adumna oigani”. ” (Genesis 15:5).

Iswargi asengba misingna swarga lomda yengkhatli aduga swargagi wangmada leiba Iswar amadi mahakki lomba naidaba matik mangal leiraba ningthou adu ujakhi. Makhoigi ming adu swargagi hingba lairik ta iduna lei. Makhoigi Ipa Iswar adu swargagi phambal da phamli. Aduga Jesu Christana Ipa Iswargi yetthangbada lei. Swargada eikhoigi damakta lomba naidaba lanthum lei. Adubu taibanggi misingdi houjikki taibang gi oiba pot khakta da hinglaga lei.

Matam amada nupa  macha amana mahakki kite amasi paihallaga leirammi. Nupa aduna kite adukhakta yengbagi maramna mahakki mangda leiba guha adu uramdre. Adugumna  misingna taibanggi pot khakta yengbagi maramna maru oiba swargagi potsing adu uba phangdare. Madugi maramna makhoina Iswargi oiba ingthaba, Iswargi oiba bor manghanduna lomba naidaba komda  taduna lei.

Abraham aduna swargada yengkhatpa matamda mahakna thawan michak kayabu ukhi. Abrahamgi Charon suronsing adusu adugumba oigani haina Iswarna haibikhi. Aduga mahakna mahakki macha lising million kaya kaya adu ukhi aduga mahakna Iswarbu thagatkhi.

Mahakna Prabhu Jesu Christa busu nongan sajikumna atei khudingmaktagi nganthoiriba adu ukhi. Mahakna Prabhu bu uba ngamkhi aduga mahakki Charon suronsingna Prabhubu seba toujaba adusu  ukhi. Sastrana haikhi, “mahakki Charon suronsingna Mahakpu seba toukhi. Mathanggi Charon suronsingda eina Prabhubu phongdokkani.” (Psalm 22:30).

Iswargi machasing,nakhoi Abraham gi machasingni aduga Iswarbu thajaba amadi achumbada khurumliba mahak adugi machasing aduni. Abrahamgi mapanna nakhoisu madugi chaoraba bor adu phangba ngambani. Aduna nahakki thajabagi mit aduda swargalomda yengkhatlu. Psalmist aduna haikhi, “eina chingsang parengda yengkhatkani,eigi iteng asi kadaidagi lakkani?eigi iteng asi swarga malem sembiriba Iswardagi lakpani.” (Psalm 121:1-2).

Dhyan tougadaba: “Jesuna masigi waheising asi hairaga swargalomda yengkhattuna hairammi,”Ipa  pungpham adu lakle. Nachanipana natik nangal phongdokpa ngamnaba eigi itik ingal adu phongdokpiyu. Maramdi nahakna mangonda piriba sadong palliba mi khudingmakta lomaba naidaba punshi pinaba panggal adu pibire.  ” (John 17:1-2).