Dec 04 – DEVER SATH

Geeder Grandh 91:4Vu Vor paankethi thona burlacha, Vor pankodar heta thu asro lechi ; Vor sachayi thona daalan ghedya vacha.

Dever ashishema ghano moto ashish kaikatho vu Dever satha. Yee vathema dee sath cha voma yek Dever vachan satha ann Christhuj satha. Yee doyi bhalan yek manikyana Dever darshanamema chalavacha.

Apan Bibilemar sey vachan Pavithar vencha kan ann vu vachan Pavithar rethani sathethi bharan chajen apanen malam. Vo vachanema jeev cha. Ghano moto sonethin, aacho sonethin, mangalethin mangaler gheeyethin meeto ann asakarer venchakan malam karlenu.

Dev karmelojako sey sogan hameshanaj revalcha. Vajal jammi budan jaayethoi Yesur vaathey kannai haalaveni. Dever vachan apanen aach vatema chalavacha. Dever vachan apaner taangena deevo nai ren apaner vatema vajalo ven chalavacha. Yee vachaner vajalema kun chalachko vo thakjayeni ann haarjayeni. Kaivasu katho Dever vachan thona sammor karan sather vatema chalavacha.

Yesu baapu vor chelavasu hano araj kido (Yohan 17:17) Thar sathema vunden pavithar kar ; Thaar vaathaj sath. Vu Dever pavithar vatahey thon sada pavithar karacha. Ajji Dever vachan kacha (Yohan 8:32) sathena tham malam karocho;sath thamena swathanthar karacha kan ko.Vuj Dever vachan apanen kavachar nai ann banchadeval chajethi apan kathraiko nasheebdhar. Yesuj thon gokler kavachar nai chajethi thu keni chamker avasaram cheni.

Yudha karevaler sainiken yee kavacham ghano chajacha. Hanoj asmanema chajako bhuthethi ladayi maren yeej Dever vachan sahayam karacha. Yeej Dever  sther vachanethij sathanen haranakoch. Vuj Jeetho jako Yesu baapuj tharo athmik velar daademathi taalan thon jayam dacha.

Ajji Jada dhyan karena pado Gener vaath  30:5 Dever her yek vaath saas kan malam karacha;voma aasro levalena vu dhaal cha.