தினம் ஒரு ஊர் – திம்மரசநாயக்கனூர்

திம்மரசநாயக்கனூர் கிராமத்துக்காக ஜெபிப்போம்,
திம்மரசநாயக்கனூர் (Thimmarasanaickanur) என்பது தமிழ்நாட்டின் தேனி மாவட்டத்தில் உள்ள ஆண்டிபட்டி வட்டத்தில் அமைந்துள்ள ஒரு கிராமம் ஆகும். இது ஆண்டிபட்டியிலிருந்து சுமார் 3 கிமீ தொலைவில் உள்ளது. திம்மரசநாயக்கனூர் கிராமத்தில் விவசாயம் ஒரு முதன்மையான வாழ்வாதாரத் தொழிலாக விளங்குகிறது. இப்பகுதியில் நெல், மக்காச்சோளம், கம்பு, சோளம் மற்றும் கரும்பு போன்ற பயிர்கள் பரவலாக சாகுபடி செய்யப்படுகின்றன. மேலும் பப்பாளி, வேர்க்கடலை மற்றும் அவரை வகைகள் பயிரிடப்படுகின்றன. மரம் சார்ந்த விவசாயம் (தென்னை, இலவம்பஞ்சு) மற்றும் கறவை மாடு வளர்ப்பு போன்ற கால்நடை மேய்ச்சல் தொழில்களும் இங்கு கணிசமாக மேற்கொள்ளப்படுகின்றன. போதிய மழையின்மை, நிலத்தடி நீர்மட்டம் குறையும் காலங்களில் தென்னை மற்றும் இதர நீண்டகாலப் பயிர்கள் காய்ந்து போவதால் விவசாயிகளின் வாழ்வாதாரம் பாதிக்கப்படுகிறது.
திம்மரசநாயக்கனூர் மக்களின் இரட்சிப்பிற்காகவும், அமைதிக்காகவும், எழுப்புதலுக்காகவும் ஆசீர்வாதத்திற்காகவும், பொருளாதார முன்னேற்றத்திற்காகவும் ஜெபிப்போம்.