Mar 28 – Anin amben abmele kudite!

“Anin amangban kuddub kanudi .ben pzdnaba, iten asan gamlenden Anin amben abmele kudite” (1 Pitor 5:7).

Kitunglen tanimyiman batte kudilangten. Banangsalen asan Anin sagalangten, janggarda mandrenglen, do birindale, j’e-ling-len Kitungdage a suyeman adakuben asan, iten asan gamlenden Kitungan d’ong asagalangtenan asan.

Bo anamna garberban saring angante ayerlenai bo gorjangan saaring, caralen osungle, anlen na asalailai carana. Kuddublen paralinglen kun adnang. Do Kuddublen hospital-lingan anurungan dele.

Dile dina Kitungan amandranji, melgijlelenji, d’onglen abmele aninji uallelenji. Ateng Kitungan abadloyim-maranji phonlelenji do asuyem-beran oblinglenji akudingdongne gamle. Kitungan a mandranji ampara ganarberan dele. Anelen sanabyun ahanglai Kitungan amandranji ampara. Kitungan yan abanagsa birindale ampara ablulelen!!

Angante anlen danukka ling-len adakulenai, tanimyiman batte ateng mandran sabyimlelenji. Kaan ambrij, manglen buteja adakule janang orde asagalben manglenlen, Kitunglen Jisun anlen ampara dile tordong dakute, tanimyiman absuiben do d’onglen asagalben asan. Jisaiya tumadgijmar gamle: “a jardin na amben barokij adnedane. Edana a saanadda-ben asan Anin a jardin na d’ong-ben asuyemte; antate Anin amdangten a tabdong Anin d’ong-ben jalangte” (Jisaiya 30:19).

Angante hagar amandrengna-lingan tanujingan yirai, a onan batte yireji, Abraam a s’ingan saring. Kuddub kun gamang maran tiyete a d’ongan, janumjuman do d’an. Aringringdarakuna-lingan a d’onganji buteja adakuad a d’ongan asagal-ben abmele. Bindo Kitungan a d’onganji sagalle. Ruangan saring Kitungan a pisirdianji a d’ongan gudinleji, do ualeten: “E Agar, iten delam? Bantongdong, iten aasan gamlenden ayengan a darakuna lingan passijan daku, kuni a darakuna lingan saring Kitungan anin a sarrangan amdangeten” (Aparamangtan 21:17).

Kan ordar-lingan angante buteja amben abmele adganludeji, amben abmele Kitungan sattang mai daku aganludben abmele, Anin yirtai tanimyiman batte do sagaltaben. Do hangan engale sagaltaben kun anin janang sagaltaben. Bibolan gamte: “Anin amangban kuddub kanudi .ben pzdnaba, iten asan gamlenden Anin amben abmele kudite” (1 Pitor 5:7).

Butente butente Kitungan asangemlen yirte. A d’onganji Kitungan gamte: “Dele janang e Jakub, aman d’ong-Hen aggarberre, do e Israel, aman Hen apsele manggalam” (Jisaiya 43:22). Tanahimdam Kitungan a onagji, Kitungan d’ongben asgalte asan amben dile ayam am’oihnaben dete.

Okiy Kinolbe absele: “Gamangtungan amangban kuddub kanudi-ben pzdnaba bar Anin d’ong-nam araite; Anin roitad maran a d’ong anga janang er drainage adnabme-e” (Sanenken 55:22).