Mar 24 – Anin Galamte Anogandinji!

“Darakkuon lingan Hen endrang gardzamen abmang, Hen d’ong-nam galamlai, bar aman endrang karudkudan de-en abmang Hen madridlam; bzgarda jattinji amang linganji tungmadgij maran a deben asan tabngijlam” (Jirimiya 1:5).

Kitungan galamte j’e-lingan anogandinji, do Anin galamte hangam atangor-lingan abhanaben dete. angante Jirimiya dangardadam dakule, Kitungan galamle hangam anin dakunaben dete. angante Jirimiya gameten: “Ugai ugai, e Gamang Kitung, gija, hen bernan aa berben asan aggalamai, iten asan gamlenden hen bo passij mar maih daku” (Jirimiya 1:6),  Kitungan adyerberle do gamle: “Hen galamtai aman abmele”. Nami amben agalamben dete kuni a Kitung jirimiya a d’ong galamle Anin na galameten yangan akampunglen saring.

Amben Kitungan batte sanedan adele. Ateng asan Kitungan amadan d’ong-ben gijgijte, ateng mandranji saring kan ordar-lingan. aten asan Anin d’ong-ben asaiben yiraiten. A s’in batte Anin d’ongben abdainate, do a Ondaman ambrij Anin dakutaben. Anin d’ong-ben madrite kuddub pintu-ben saring, a mihaman batte, arakadang-lingan saring. D’ong-ben janang kun amihaman batte jibjibte.

Mandrengnaben Kitungan a s’i-lingan daku. Anin d’ong-ben gugudage a s’i-lingan dakutaben. Amben a tanangte a s’i-lingan do ajingba janang, yangam akkarjingan ambrij daku. gugudage a s’in batte abhanataben. Do buten d’ongben tabruje ranapti Kitungan a s’i-lingan saring? Kiutungan gamete: “amdangba, Jakubon a singan, do Israel maranji a s’ingan, karukudan saaring buten hen gardilai, yangan akampungling saring gardilai: talaibalaben janang, Hen Anin na, Do uuben palule janang Hen sagaltaben! Hen gabdilai, do Hen turdutaben; Hen sagaltaben, do ablutaben” (Jisaiya 46:3-4).

Yuyu-hen U’an-hen a d’ong gamte dile tordong, apasijan ayam-ling, a d’ongan Kitungan abmele surpideten, angante anin hangan akampungling dakule. Do anin garberle radudage Kitungan abarara abmele hangdramdamneten. Kan a berna a J’en-lingan saring adyirad. Do a dangarda ayam-ling janang, Kitungan anin abmele lumle, tanimyiman batte. Kitungan galamle do ganludle anin abmele barijloge. A baran abmele kuddub-lingan anin hangdramle idolben kambolanji. Kitungan anin abmele itente oskaile, amandrengna-lingan kuddub baranji abojoraile.

Tanahimdam Kitungan a onagji, Kitungan a si-lingan amben bo surdadage. Kitungan sanaisai abararan abmele d’ongben. Anin d’ongben agaja adkaridae. Do Anin mandrengna-ling-ben kuddub abojoraite.

Okiy Kinolbe absele: “Bar gija, Hen aman ampara daku, bar aman ayengan a darakunaban itte, kun kuddub darakuna lingan Hen d’ong-nam rabrabtam do okij kan a desaban urungtam. Iten asan gamlenden Hen itente d’ong-nam opunglai, antate endrang ojoraien sikkoi ja Hen adnumdrengam” (Aparamangtan 28:15).