Mar 24 – THAR VUDDESHMEN MALAMCHAJAKO

Yirmia 1:5 Petema Ma thon yek rupamema layokonijer angaj malamkarmelochu,  vu petemathi bhar ayenijer angaj thon Prathista kidochu , janner vasu pravakthar nai niyam karmelochu.

Apaner Prabhu na dallemar vuddeshen acho malamcha ,ann thona kunas vatema chalavnuko sada malam. Yirmia 1:6 vachanema Yirmia kacha Baapu manna vathey karen ayeni ,ma nankyas balachu kan kotho, Dev ko” Yirmai thu Manna malam”. Yirmian Dev keroju vuj Deven yadir petema srusti vokonijer angaj vu Prabhun thu sada achethi malam.

Prabhu thon taalmelocha. Jethij karodema chajako yee malkema thar vumperaj Dever Nazer padicha. Jesaruj Vor puro premethi haal vejarojako thon dhunden ayocha. Thon Vor hathethi vuncho padan , Vor sonth beptar nai karlidocha. Caluvarir siluvama redojako Vu Pavitharer loyeethi thar kassek paap rathoi paap cheniju dhonakocha. Vuj loyeer vadithi yek navvo kararer kidocha.

Thar jeevano Vu Dever hathema cha. Vor mahimar hathethi thona pakaldacha.  Yesu tangeman ,hathema marakhadojako kheeler vacha chi. Vor mahimar hathethi thon chalarotho ajji kun vor hathethi chodayevalo katho? jethij Dev Yeshaya 46:3-4 kerocha Yakober ghareval , Yisraeler gharema migalmelejako , petema pedavejannathi Mar vadithi padamelejako, yadir godema suthejannathi Mar kankema ghalamelejako, Mar vathensamlo.

Mad daadi mar bapen hanu herdekarthithi kacha , mar baap yadir petema vetho jannaj Thon Dever sevar vasu talnakichu,ann thar saru prarthana karan Deven samarlana karnakecha. Vu vath mar bapen dallemathi bhulayikoni . Vor javaaner vummarema Dev mar baper vadi acho dekan vor krupan dekalan masaj athmik pusthakevun lakken sahayam karan vor jeevanema heryek chithamena puro karnako.

Mar premer Dever beptavo thu masaj prethyekvadi chi vu Dever hathema. Vu prabhu thar jeevaner vadi yek vuddeshmen melmelocha. Vu Dev thon anadhar nai chodeni ann bheni. Sasij Vo Prabhur chithan bharpur thar jeevanema karacha.