Mar 23 – Anin Galamte!

“Ante saring Gamangtungan gameten, Hen Misor desa lingan mandradam-Henji a kanalkalan gijlai; obakam maranji a panadradan asan aninji a edanan amdanglai, bar aninji a satid samoihan galamtai” (Hanagod 3:7).

Kitungan galam kuddub danukkanji do kudinanji. Mandrengna-ling-ben iten dete antate uanben janang adgalame. Hangben janang adgalame amben abmele. Barij ordaran janang adganlude amben abmele. Bindo Kitungan d’ongben tanimhiman batte gamte: “E On-Hen, Dangardi-On-Hen, Hen galamtai amben abmele”.

Israel-maranji Misor-lingan itente anabkalkalan hangleji, do Kitungan amangba edalenji. Kun a edana Kitungan a j’en-ling sikoija gatarle. Adtabdong Kitungan Mojes a d’ong abdile, do aramadanji absuijle do Misor-lingan rubmangan absuijle. Anin panglai bo surda anabs’idan Misor-lingan do apardionanji atanuab abmele. Anin Misoranji a udgaranji abgatarle, anteng asan Misoranji abittinji abs’idleji. Do ateng asan aninji Kanan sikoija halenji, bo ragal do manan adarakuna.

Nami janang kun ambrij amben dakupo, bararaling-ben orde darakuna-ling-ben, kan ambrij ouante janang? Kun abmele amben edjajapo agamte er bangsa beran batte bo mandranji abs’idben asan? Hanagod-lingan ambrij 2:25, gamte: “Bar Kitungan Israelanji a kanalkal godanji galaman galamle asuyeman batte gijeten”, amben agalamben dete Kitungan kuddub godben galamte do kanalkalben janang.

Bibolan gamte: “Anin amangban kuddub kanudi-ben pzdnaba, iten asan gamlenden Anin amben abmele kudite” (1 Pitor 5:7). Anin anlen abmele kuditen do sagallangten. Anlen ladgaddamlen ranapti Kitungan a s’i-lingan surpid-damnaben dete, Anin ajardinna abdainalangten.

Bo sittin hangtabe office saring, ateng Kitungan a pasijanji abmele akanalkalanji edolteji, akanudinji do adanukkanji, akanalkalanji do adanusanji. Do kuddub ahangtaben atikkki kudduban garbertabe aninji abmele. Bindo Kitunglen galamte kuddub kanalkalle. Do garbernaba danukka-j’en batte, Anin adyerbertaben.

Tanahimdam Kitungan a onagji, anlen aboi Kristu Jisu-lingan bo radu gaijisingan ambrij adeben dete. anten asan, abantongdong, Kitungan amben ampara dakuten tabme taniytiyanji batte absittataben. Kanudiben do danukaben Anin galamte.

Okiy Kinolbe absele: “Dele janang den Kitungan a ganaijitalan erztnage dakute. Gamangtungan a mandradamanji a d’ong galamte, gamle kam’ a lanadladan na daku. Bar butente Gamangtungan ahiman hamte ettegoi dile mandra er ranoitadan saring ~ansadamnete.” (2 Timoti 2:19).