Mar 20 – Anin Bo Bigarda Darakunaban d’ong-nam dakute!

“Anin d’ong-nam na danukkan saring amdungle do er kalkal l’ang darakunaban d’ong-nam urungle, bar tebzl-ling-nam anoisai anabjeljel janumjum janaban barij danakkun dele” (Ayob 36:16).

Butenja agasa kan ordar-lingan, danukka-lingan adakunaben abmele. Bogad ambendaman adukkadam-linanden, birinda-lingan danukkan orde lebu abmele danukkan, amben ajardinna danuka-j’en batte adakuten. Bindo Kitungan d’ongben bo bigarda desa-lingan appaitaben.

Amben bo bigarda s’ing-lingan adakuten ateng ayam saring. Yan a danuka kan ate bo mandran a s’ing-ling adakuna! Bo sanna beran apsele janang aninji kani kuni gamteji. Togalan ayamling toge padhiben apsele gamteji. Orde d’an janang adhangben. Dile mihnuman lebun abtengtaji. Amben bo dukadage detaben.

Bindo Kitungan danukaben do kanalkalan. Israelanji janang boanta bara-lingan dakuleji misor-lingan, do bo surda kanalkal-lingan dakuleji. Misoranji ateng baran a d’onganji baileji, kun aboi bo surda kanalkalan dakule. Kuddub bara-lingan aninjidaman danukan batte togal tamba baralingji.

Aninji edalenji Kitungan amangba, danukan batte, do Kitungan amdangle a edananji. Do Kitungan gamle: “Hen Misor desa lingan mandradam-Henji a kanalkalan gijlai; obakam maranji a panadradan asan aninji a edanan amdanglai, bar aninji a satid samoihan galamtai” (Hanagod 3:7). Kitungan a edananji amdangle, Misoranji saring a d’onganji ablule, do banangsaba do bo surda desaba dakule, itente a desan dakule aduban do adangdan ambrij. Iten a darakunaban orungle kotti-lingan bo bangsa barun ganugan, baran adeben amanengba iyeten dakueji.

Itendeleja adanuka dakuleja nami, kuddub bandate nami. Kanalkalnji batte adukadongne, manglingben orde bigardaji batte itenite amben ahangte. Kitungan a d’ong gudingba mangbaben do anin rabrab-benten.

Sanenken gamte: “amdanga angante gudingtam, ranoitad Kitung-hen! Danukan ayam-lingan ablulih; asuyemih, do garber-hen amdaga” (Sanenken 4:1). Garberben Kitungan amdangte.

Tanahimdam Kitungan a onagji, Kitungan banangsaba do bo surda darakunaban dakutaben, ateng asan amben bo anabsittan marge adeben dete. panemengan do dainan batte d’ongben dakute. “Gamangtungan, juju-benji a Kitung, bo ajar terdeng saring awr d’ong-ben abgirsaijete, do Anin a tam sanibdaijan ambrij d’ong-ben absitta-ete!” (Bagujuanaber 1:11).

Okiy Kinolbe absele: “Dajingte dinnan Aman d’ong-len kanalkalan tiylalen, do dajingte minhum anlen er banangsan a gijlai, dijte ayaman man’oihan tiylen” (Sanenken 90:15).