Mar 19 – Anin Jobmeihten!

“Gamangtungan a Janggardan mang-ling-Hen daku. iten asan gamlenden banagge maranji a d’ong bangsa anoblengan a pungben asan Anin sardiagodben asan jobmeihten” (Luk 4:18).

Kitungan appaile ayengan amandranji a d’ong janaboban dele. Do tiyetenji sanaisai banudin, ranadu do ranapti, a baran abojoraiben asan.

Papwr anosaij-ayam-lingan, angante murda buyan jaboble, Kitungan gamete: “do aninji a d’ong jaboble tabgijjaji. Do yante gamle aninji Hen apsele buya baran lumteji aninji a d’ong madridaji” (Hanagod 28:41). Tabme anosaij ayam lingan, buten buten anablun hangleji aninji buya-marji. Amben aogandidong buten buten hanangan tiyte arangan saring sattang ted, sanedan dele Kitungan a baran abmele. Kuddub anablun adile mandranji tangboi tangboi Kitungan abaran taniyan dele.

Kuddub Kristu maranji Kitungan abaran abojoraiben dete. anabgugu a baran janang daku Kitunglingan (Mattiu 4:10),  barij j’en batte Kitungan a baran (2 Timoti 1:3), Kitungan a baran alumben barij banangtongan do barij-j’en batte (Ebri 12:28), do Kitungan a baran d’onglen batte akubdamtenben, marid do Kitungan ajanaja ambrij, itente amben abaran dete (Romi 12:1).

Jisaiya lingan 61 a tanuban, Kitungan a baran apsele gijtabe Kuddub mandranji butente anablun hangleji a d’ongan janaboban deleji. Kitungan abaran apsele anidolan dele: hangan atiyben bangsa hangan banageji amangba, anadsaman baran aldung j’e-maranji, bangsa-anoblingan-beran mandranji amangba, tanolbad-lingan adakunji amandranji amangba, Kitungan ajanajan abmele abaran, Kitungan abmele abaran alumben, asuyeman abaran, ayengan amandran danukka lingan dakuji, bangsa beran aobling-ben a d’onganji…

Janababan ahangtaben atikki, Kitunglen Jisun Kristun ordar-lingan adakulen adnang kan kudduban abaran lumle. Bibolan gamte: “Kitungan Nazritan Jisun gamle jaboble Marid janggardan batte do ranaptin tiyle, anabsamanganji lumle Kitungan batten” (Anappai 1038).

Kun ambrij Marid Janggardan butente jaboble Kitungan Jisun a d’ong ranaptin do ranadun batte, kun ajanaboban batte amben janang ahangte. Anin na aboskaitaben Kitungan abaran abmele. Anin na ranaptin batte absakibertaben. Tanahimdam Kitungan a onagji, Marid janggardan ajanaboban batte barij deba.

Okiy Kinolbe absele: “aman dzna, puanga; iten asan gamlenden panuang-nam yeraiten, bar Gamangtungan a ganugun lanangka-nam puangte” (Jisaiya 60:1).