Mar 08 – DEVALO
elimchurchgospelMathai 7:11Tham mand ven thamar beptan aach cheej dena thamen malamvatho, swarger thamar baap ,vona maang jena kathraiko aach cheejena dacha.
Apaner Dev ach cheejevun dacha vothi jadaj ashish karevalo cha. Kankren katho sono rupo seji Vorsotha vencha. Ye jagan voma vasarejako seji Vu Deveraj. Vu Dever anugrahamethi Vor beptana ach varalun devalo cha. Dev Athmar varal mathramaj devalo cha kan nammeval thodsek admi cha. Rakshan dero,Dever shanthi dero,Pavithar Athmathi abhishek karero , hariyalir baag dero sasij yeesey Devaj demelocha. Vuj Dev Athmar varaluthi ann yee malkema ku renu ko malam karer varaluthi sada ashish karacha.
Yekvona Yesu bapu gatla chadan bhodha karen gotho votha Dever vath samalnu kan janner malavo golaven ayethey. Vu Dever vathen paramer Manna dakal cha kan bodha kido : Athmathi avajako ashishen malavo seji paldey , Prabhu vunden Dever rajyamer rahsyamen malam kido. Lapan Prabhu yee Athmar varaluthij thamdino koni. Pan varu chenijen varu kido,koder rogevalun varu kido, bhuthen dabadan masaj achamkalar kamen kido. Mathai 15:36,37 vachanema chaju Yesu Prabhu vo 7 baatin vo machalin len sthuthi karan thodan Vor chelavun dino ; chela janner malaven malvetan diney.
Sey khan dhapgey ,badijako batir thukadana 7 volda bharan padey. Katho Prabhu thon kunas varalu denu kathoi voma kolatha cheniju dacha. Dev vor ashishen vundavatho vunden lelen bharnu katho kathra ghar vathoi kam vejavaju racha.
Thu kannavatho thar puro dallethi Dever seva saru dethanu, paricharya karan, Dever sevakevun sanman karastho jana Dev sada thar vadi sanman karevalo cha. Malaki 3:10 vachan prakar Dev dajako ashishen palen thar gharema ghallenu kathoi jaga reni.
Yek sevakarevalo masa gareeb vetho jethi vu Deven hanu araj kido, ‘ Vo Prabhu thu paramema vasarochi ,thar hariyalima chajako gallivo seji sonethin, hirethin , mothevuthi bhandmelochi ‘ athra jada moto chijako yee nankyas Gareeb pastaren kankren dekrokoni. Yek hira ko mothiko denakastho dher kunika’ ? yee araj Dev yek kai malam chenijako nankyas balar nai samalan asmaner jannal vagadan dharthimar sey ashishen vundanako . Jana vu sevak yee dharthiparer ann aAthmar ashishen sada palido. Dever beptavo apaner Dev puro dallethi ann bharpur ashishen devalo cha kan kannai bhulamath.
Ajji jada dhyan karen pado Geeder grandh 34:8 Yehova acho kajena savad karan deko, Vona asro karlevalo manikya nasheebdhar.