Mar 06 – CHALAYEVALO

Yeshaya 58:11Yehova thona hamesha chalavacha. Kaalero dadema Vu tharo peten bharan thar hadakana joreval karacha.

Dev thar akharir daadethanu Vor dayathi ann premethi thar haath jallen chalavacha. Hanu thon Dev thon chalavnu katho thu bharpur thar thonaj Deven havaal karlen hanu araj karnu mar sosan mar chintha seji thar niyather vatema chalala baapu.

Daveed maharaj Khushithi Geeder grandh 23:1-2 vachanema Yehova Devaj mar gollavariya chajethi manna kai kam veni ; Vu manna haro khadema savaran , shanthir panir dai manna chalavacha.  Prabhu yekloj thar jeevaner heryek jagemayi gollavariya ven renu. Prabhuj thar mot kamevuma khyal karnu kelechi pan , ajji thodsek kamevuma maaj moto rethanu chalavnu kelechi. Jesaruj thar vatenan Dever chithamena masaj vagathema ladayi chalu karacha.

Apaner Prabhu thar bhukenan tharsen yekkaj phedey  valo koni. Lapan vu Prabhu thar sosena,thu kelerojena,thar vathena ann kamen sada gollavariyar nai thamadevalo cha. Thu motheyr andharer kholama chalathoi kunsi keedeni dekan chamakmath. Kankren katho Prabhuj thar sath rethanu vor gedyathin daangethi thona samjavacha. Thu hariyar bagen javajethanu hamesha rer vu Dever rajyamema langajethanu vu gollavariya thon chalayevalo cha. Ajji thar jeevaner daad sey bhalayin, krupa tharlaar avacha . Thu Dever gharema hamesha vassechi.

Thu sada geeden boloju thar araj bhi dallemathi hanu avanu,Geeder grandh 80:1 vachanema ,Yisraeler galavariyan, Yosepena gorlir mandar nai chalayevalo kaandes. Sasij yek gollavariya sey gorlin yekkaj thara dekeni. Vo gorlivuma thodsek kamjoreman  varucheniju racha,ajji thodsek vunder pilpilavun dud piravu karacha. Vujji thodsek gorli tunti rethanu sey gorli chalajako vatema chaler veni. Yekek thara chajako ye gorlivun vunden chajako velar vadithi mandama chalavu karacha.  Yeshaya 40:11 Vachanema chaju gorlir gollavariyar nai vu vor mandana  chalavcha. Vor hathethi nankyas gorlir pilpilavun dai karan chathiper mellen kandeper palden , duden devalin dilosan chalavacha.

Prabhu kerocha ‘Ma Acho gollavariya. Acho gollavariya vor glrlivasu janen dacha’ . Mar premevalavo vor janenaj apanesaru devalo chakatho vu apanen katha moto  nasheeb kunika!  Athra hachethi chalayevalo kan malam karlinejako apan ajji kathra jada sthuthi karan aradhana karnu dekla.

Ajji jada dhyan karen pado. Luka 15:4 Thamema yek admi so gorliven vundema yek gamagikatho , yek kam so gorlina adabima chonaken ,gamagi jako gorli malajethanu vona dhundena javacha konika?