Mar 05 – Anin Abpuangte!

“E Gamangtung, Aman lippa-hen habmangte. E Gamangtung-hen, Aman lanungud-hen abpuangte” (Sanenken 18:28).

Titne anlen gijtaben Daudo tiyj’eling agarbertenan do gamte lippa-hen habmanga, lanungudan abpuanga do bigardanji saring amandrengna anabsittan adeben dete. ajardinna kan ate bo bangsa garberan!

Angante bo surda factorin susuteji adnang bo surda dane-maran orde desan a Montri batte absusuteji, aninji lippan abpuanteji, kun agaramgaman asusunan abmele. Panuangan aboi ranaptidam lanumudan abmele, kan aboi anabsittan amnrijna.

Mandranji ateng janab lippan gabdileji lanumudan amdungben asan. Ateng lippanji daku itente jongtunji akarin batte hamangteji. Manglen candles daku. manglen kirusing alippan daku. do nami ayam ling, karentun a lippan daku lanumudan a d’ong gonle abpuangte.

Asusunan ayam-ling, Kitungan kuddub ordaran abpuangben itsumle. Angante anin gijle ordaran a ringring dakule, do ejajated; do lanumudan dakule, Kitungan gameten: “Panuangan deate do dele”. Uyungan, angajan do tuituijanji bangsale abpuangleji. Aninji ordaran alumudan gonle szdleji do gugudage anbpuangan tiyleji.

Bindo kan a dinna akinolan, Daudo garbertinan at a lippan a habmangben abmele. Iten a lippan gadlamte? Kan ate a j’en-na: itente alungan a lippan. Angante pintu lanumudan yaryarmaneng-ban dakute pwrarda-ling-ben, mandrengnaben janang danukan do er bangsa yaryarmanengba dakute. Do er daina alumudan, anangan alumudan, er marid janggardan alanumudan uggarling-ben basute.

Butenjan pintu-lingan do danuai-lingan basulenden, anin kitungan amang saring dunglen yireten – ranoitadan a uyungan, do lanumudan a d’ongan hamte. Bibolan gamte: “Bindo danusa-benji Kitung-ben saring d’ong-ben ansabenten, bar pintu-benji asan mang-ben saring Anin a mukkan absosole, anten asan Anin adnamdange” (Jisaiya 59:2).

Ajardin-na, angante amben Kitungan a d’ong adangdangte – uyungan a ranoitadan, pintu-ben do danusa-ben, lanumudan yaryarmanengba dakuten do Kitungan apuangan absosote mandrengna-ling-ben. Tanahimdam Kitungan a onagji, angante amben agarberten Kitungan amangban lippa-ben abpuanben abmele garba, lippa-ben Anin abpuangte do mandrengnaben janang abpuangte.

Okiy Kinolbe absele: “Mandran a janggardan Gamangtungan a lippa tudan; antate uggaran a kudduban permudle saijte” (Bangsa Hanang 20:27).