Feb 16 – PINAHEIBA !

“Pinaheiba mina pinaheiba thabak tou-i,pinaheiba gi mapanna mahak lepkani.” (Isaiah 32: 8).

Pinaheiba haibasi thamoidagi harao haraona  pithokpa ngamba lamchat aduni. Aduga Iswargi macha khudingna masigi gun asi leigadabani.

Masigi maong matou asi mi nataba khutsemsingdasu uba phangi. Upanbisingna makhoigi mahei sing adu lemna eikhoida pithok-i. taibanggi mi masing kaya yamlabasu mana masing asina makhoibu thaknaba matam chuppada thourang touraga leiri. Yenbisingna  eikhoibu chang naina  yerum pibi. Samudragi ngasing asisu moibana yamna pamjaba chinjak oiri. Mi nataba khutsem jibasing asinasu asukki matik pinaheiba oirabadi mioiba eikhoisi kayada pinaheiba oigadabano? Nahak  Khwaidagi pinaheiba oiriba Prabhu Jesu Christagi macah oiribra?

Jesuna hangkhi, “isagi  potsingda eina aningba touribasi eigi hak leitabra? Natraga eina aphaba oiriba asida nahakki mityeng phattabra??” (Mathew 20: 15).  Mahakna asukki matik pharingeida eikhoina asukki matik arikpa mising adu oigadra haina Mahakna eikhoida hangninglibani. Jesugumna pinaheiba mi atei kana su leite. Mahakna phabagi mahakki loubuk ta pung ama thabak suriba mising adu phaoba nungthin chuppa suramba mising adugi khutsuman gi sen adu pibirammi. Mahakna tan manga amadi nga ani bu pijaraga mi khudingmakki awatpa adu mensinbikhi. Mahakna aphaba amadi phattaba midasu nong tahanbi.

Prabhu Jesuna hai, “adubu nahakki yeknaba mi adu nungshijou,aphaba tou,pot waihallu,amukka phanggani haiba asa thamganu,aduga nakhoigi mana chaogani aduga nakhoi khwaidagi wangthoiraba machasing oigani. Maramdi mahak toubimal khangba uttaba amadi phatabasingdasu thoujal heibani.” (Luke 6: 35)

Josephki punshi aduda yengbiyu. Mahak pinaheiba mi ama oirammi. Mahakki machin manaosingna mahakki maiyokta leirammi, aduga mahakpu komda thadarammi, aduga minai oinasu yonthokpirammi.

Adubu  Josephbu wangna thanggatpa matamda di mahakna mahakki machin manaosing aduda thoujal amadi pinaheiba thabak khakta utkhi. Mahakna makhoigi chenggi bora sing adu cheng pik thanna happikhi aduga makhoigi peisasing adusu makhoi masa masagi boragi manungda hapchinbikhi. (Genesis 42: 25). Mahakki mapa sikhibagi matungdasu mahakna machin manaosingbu luna toubikhi. Mahakna makhoibu leihao chellaba lam pibiduna makhoina hingba yanaba mahakki maphamda mapham pibikhi.

Josephna asukki matik pinaheiba oirabadi Calvarygi oiba swargagi lanthum phanggadaba nahakti kaya matik aphaba oigadabano?  Iswargi machasing lairabasingda thoujal heiba oiyu, aduga   pinaheiba oiyu. Aduga Prabhuna nahakpu lising  lising  gi saruk hanbirakkani.

Dhyan tougadaba: “aduga leibak aduda kum-tha naina nong pibinaba amasung nahakki khutki thabak pumnamak bor pibinaba, Jehovahna nangonda mahakki aphaba langei, haibadi atiya nongdon hangdokpigani, aduga nahakna jati mayamda sen puthokkani amasung nahakna sen puroi.”  (Deuteronomy 28: 12).