ਦਸੰਬਰ 09 – ਪਰਮੇਸ਼ੁਰ ਦੀ ਸ਼ਕਤੀ!
elimchurchgospel“ਅਤੇ ਪ੍ਰਭੂ ਦੀ ਸਮਰੱਥਾ ਚੰਗਾ ਕਰਨ ਲਈ ਉਸ ਦੇ ਨਾਲ ਸੀ”(ਲੂਕਾ ਦੀ ਇੰਜੀਲ 5:17)।
ਪ੍ਰਭੂ ਨੇ ਸਾਡੇ ਵਿਚਕਾਰ ਆਪਣੀ ਚੰਗਾ ਕਰਨ ਦੀ ਸ਼ਕਤੀ ਦਾ ਵਾਅਦਾ ਕੀਤਾ ਹੈ। ਹਰ ਪ੍ਰਕਾਰ ਦੀ ਚੰਗਿਆਈ ਵਿੱਚੋਂ, ਤੁਹਾਡੀ ਆਤਮਾ ਦੀ ਤੰਦਰੁਸਤੀ ਸਭ ਤੋਂ ਮਹੱਤਵਪੂਰਨ ਹੈ। ਜੇਕਰ ਤੁਹਾਡੀ ਆਤਮਾ ਖੁਸ਼ਹਾਲ ਹੁੰਦੀ ਹੈ, ਤਾਂ ਤੁਸੀਂ ਸੱਚਮੁੱਚ ਚੰਗੀ ਸਿਹਤ ਵਿੱਚ ਹੋਵੋਂਗੇ, ਅਤੇ ਸਾਰੀਆਂ ਚੀਜ਼ਾਂ ਵਿੱਚ ਖੁਸ਼ਹਾਲ ਹੋਵੋਂਗੇ।
ਦਾਊਦ ਰਾਜਾ ਨੇ ਆਖਿਆ, “ਹੇ ਯਹੋਵਾਹ, ਮੇਰੇ ਉੱਤੇ ਦਯਾ ਕਰ, ਮੇਰੀ ਜਾਨ ਨੂੰ ਚੰਗਿਆਂ ਕਰ, ਮੈਂ ਤੇਰਾ ਪਾਪ ਜੋ ਕੀਤਾ ਹੈ”(ਜ਼ਬੂਰਾਂ ਦੀ ਪੋਥੀ 41:4)। ਹਾਂ, ਤੁਹਾਡੇ ਅਤੇ ਪ੍ਰਭੂ ਦੇ ਵਿਚਕਾਰ ਦਾ ਰਿਸ਼ਤਾ ਉਦੋਂ ਹੀ ਨਵਾਂ ਹੁੰਦਾ ਹੈ, ਜਦੋਂ ਤੁਸੀਂ ਆਪਣੇ ਪਾਪਾਂ ਤੋਂ ਤੋਬਾ ਕਰਦੇ ਹੋ। ਅਤੇ ਫਿਰ ਤੁਸੀਂ ਆਪਣੀ ਆਤਮਾ ਵਿੱਚ ਅਨੰਦ ਦਾ ਤਜ਼ਰਬਾ ਕਰੋਂਗੇ ਅਤੇ ਇਲਾਹੀ ਚੰਗਿਆਈ ਪ੍ਰਾਪਤ ਕਰੋਂਗੇ।
ਪ੍ਰਭੂ ਘੋਸ਼ਣਾ ਕਰਦਾ ਹੈ, “ਮੈਂ ਉਹਨਾਂ ਦੇ ਫਿਰ ਜਾਣ ਦਾ ਇਲਾਜ ਕਰਾਂਗਾ, ਮੈਂ ਖੁੱਲ੍ਹੇ ਦਿਲ ਨਾਲ ਉਹਨਾਂ ਨੂੰ ਪਿਆਰ ਕਰਾਂਗਾ, ਕਿਉਂਕਿ ਮੇਰਾ ਕ੍ਰੋਧ ਉਹਨਾਂ ਤੋਂ ਹੱਟ ਗਿਆ ਹੈ”(ਹੋਸ਼ੇਆ 14:4)। ਇਸ ਆਇਤ ਵਿੱਚ ਪਿੱਛੇ ਹਟ ਜਾਣ ਤੋਂ ਚੰਗਿਆਈ ਤੱਕ ਦੇ ਨਾਟਕੀ ਪਰਿਵਰਤਨ ਨੂੰ ਦੇਖੋ। ਜਦੋਂ ਉਹ ਲੋਕ ਜਿਹੜੇ ਆਪਣੀਆਂ ਅੱਖਾਂ ਦੀ ਕਾਮਨਾ, ਸਰੀਰ ਦੀ ਕਾਮਨਾ ਅਤੇ ਜੀਵਨ ਦੇ ਹੰਕਾਰ ਦੇ ਕਾਰਨ ਪਿੱਛੇ ਹਟ ਗਏ ਹਨ, ਉਹ ਤੋਬਾ ਕਰਦੇ ਹਨ ਅਤੇ ਪ੍ਰਭੂ ਦੇ ਵੱਲ ਮੁੜਦੇ ਹਨ, ਤਾਂ ਪ੍ਰਭੂ ਉਨ੍ਹਾਂ ਨੂੰ ਉਨ੍ਹਾਂ ਦੇ ਪਿੱਛੇ ਹੱਟਣ ਤੋਂ ਚੰਗਾ ਕਰਨਗੇ।
ਪ੍ਰਭੂ ਦੁਆਰਾ ਅਜਿਹੀ ਚੰਗਿਆਈ ਹੋਰ ਕਿਸ ਨੂੰ ਦਿੱਤੀ ਗਈ ਹੈ? ਉਹ ਟੁੱਟੇ ਦਿਲਾਂ ਨੂੰ ਚੰਗਾ ਕਰਦਾ ਹੈ (ਜ਼ਬੂਰਾਂ ਦੀ ਪੋਥੀ 147:3)। ਪਰਤਾਵਾ ਅਤੇ ਮੁਸੀਬਤਾਂ, ਅਸਫ਼ਲਤਾ ਅਤੇ ਵਿਸ਼ਵਾਸਘਾਤ ਸਾਡੇ ਦਿਲਾਂ ਨੂੰ ਤੋੜ ਦਿੰਦੇ ਹੈ। ਉਹ ਸਾਡੇ ਦਿਲ ਅਤੇ ਸਾਡੀ ਆਤਮਾ ਨੂੰ ਕੁਚਲ ਦਿੰਦੇ ਹਨ। ਜਦੋਂ ਤੁਹਾਡੇ ਨਾਲ ਉਨ੍ਹਾਂ ਲੋਕਾਂ ਦੁਆਰਾ ਵਿਸ਼ਵਾਸਘਾਤ ਕੀਤਾ ਜਾਂਦਾ ਹੈ ਜਿਨ੍ਹਾਂ ਉੱਤੇ ਤੁਸੀਂ ਭਰੋਸਾ ਕਰਦੇ ਹੋ, ਤਾਂ ਤੁਸੀਂ ਪੂਰੀ ਤਰ੍ਹਾਂ ਨਾਲ ਦਿਲ ਤੋਂ ਟੁੱਟ ਜਾਂਦੇ ਹੋ। ਅਜਿਹੇ ਸਮੇਂ ਵਿੱਚ, ਸਿਰਫ਼ ਪ੍ਰਭੂ ਹੀ ਤੁਹਾਨੂੰ ਛੂਹ ਸਕਦਾ ਹੈ ਅਤੇ ਚੰਗਾ ਕਰ ਸਕਦਾ ਹੈ। ਉਹ ਟੁੱਟੇ ਦਿਲਾਂ ਨੂੰ ਚੰਗਾ ਕਰਦਾ ਹੈ, ਬੰਦੀਆਂ ਨੂੰ ਆਜ਼ਾਦ ਕਰਦਾ ਹੈ ਅਤੇ ਉਨ੍ਹਾਂ ਨੂੰ ਆਰਾਮ ਅਤੇ ਸ਼ਾਂਤੀ ਦਿੰਦਾ ਹੈ।
ਸਿਹਤ ਅਤੇ ਚੰਗਿਆਈ ਦੇ ਬਾਰੇ ਪਰਮੇਸ਼ੁਰ ਦੇ ਵਚਨ ਵਿੱਚ ਕਈ ਵਾਅਦੇ ਹਨ। ਉਹ ਤੁਹਾਡੀ ਆਤਮਾ ਵਿੱਚ ਤੰਦਰੁਸਤੀ ਲਿਆਉਂਦਾ ਹੈ। ਉਹ ਤੁਹਾਨੂੰ ਪਿੱਛੇ ਹਟ ਜਾਣ ਤੋਂ ਚੰਗਾ ਕਰਦਾ ਹੈ। ਉਹ ਟੁੱਟੇ ਦਿਲਾਂ ਨੂੰ ਚੰਗਾ ਕਰਦਾ ਹੈ ਅਤੇ ਉਨ੍ਹਾਂ ਨੂੰ ਦਿਲਾਸਾ ਦਿੰਦਾ ਹੈ। ਉਹ ਉਨ੍ਹਾਂ ਲੋਕਾਂ ਨੂੰ ਵੀ ਚੰਗਾ ਕਰਦਾ ਹੈ ਜਿਨ੍ਹਾਂ ਨੂੰ ਛੱਡ ਦਿੱਤਾ ਗਿਆ ਹੈ, ਅਤੇ ਜਿਹੜੇ ਸਮਾਜ ਵਿੱਚੋਂ ਕੱਢੇ ਗਏ ਹਨ। ਸਾਡੇ ਕੋਲ ਕਿੰਨਾ ਹੀ ਮਹਾਨ ਅਤੇ ਦਿਆਲੂ ਪਰਮੇਸ਼ੁਰ ਹੈ! ਯਹੋਵਾਹ ਕਹਿੰਦਾ ਹੈ, “ਵੇਖੋ, ਮੈਂ ਇਹ ਦੇ ਲਈ ਸਿਹਤ ਅਤੇ ਤੰਦਰੁਸਤੀ ਲਿਆਵਾਂਗਾ ਅਤੇ ਮੈਂ ਇਹਨਾਂ ਨੂੰ ਚੰਗਾ ਕਰਾਂਗਾ ਅਤੇ ਮੈਂ ਇਹਨਾਂ ਲਈ ਸ਼ਾਂਤੀ ਅਤੇ ਸਚਿਆਈ ਵਾਫ਼ਰ ਪਰਗਟ ਕਰਾਂਗਾ”(ਯਿਰਮਿਯਾਹ 33:6)।
ਇਸ ਦੁਨੀਆਂ ਵਿੱਚ ਪ੍ਰਭੂ ਦੀ ਸੇਵਕਾਈ ਦੇ ਦਿਨਾਂ ਵਿੱਚ, ਇੱਕ ਵੀ ਵਿਅਕਤੀ ਅਜਿਹਾ ਨਹੀਂ ਸੀ ਜਿਹੜਾ ਉਸ ਤੋਂ ਇਲਾਹੀ ਚੰਗਿਆਈ ਪ੍ਰਾਪਤ ਕੀਤੇ ਬਿਨਾਂ ਚਲਾ ਗਿਆ ਹੋਵੇ। ਪ੍ਰਮੇਸ਼ਵਰ ਦੇ ਪਿਆਰੇ ਬੱਚਿਓ, ਸਾਡਾ ਪ੍ਰਮੇਸ਼ਵਰ, ਜਿਹੜਾ ਕੱਲ੍ਹ, ਅੱਜ ਅਤੇ ਸਦਾ ਦੇ ਲਈ ਅਟੱਲ ਹੈ, ਅੱਜ ਵੀ ਤੁਹਾਨੂੰ ਮੁਕਤੀ ਅਤੇ ਇਲਾਹੀ ਸਿਹਤ ਪ੍ਰਦਾਨ ਕਰਨਗੇ।
ਅਭਿਆਸ ਕਰਨ ਲਈ – “ਯਿਸੂ ਸਾਰੇ ਗਲੀਲ ਵਿੱਚ ਫਿਰਦਾ ਹੋਇਆ ਉਨ੍ਹਾਂ ਦੇ ਪ੍ਰਾਰਥਨਾ ਘਰਾਂ ਵਿੱਚ ਉਪਦੇਸ਼ ਦਿੰਦਾ ਅਤੇ ਰਾਜ ਦੀ ਖੁਸ਼ਖਬਰੀ ਦਾ ਪਰਚਾਰ ਕਰਦਾ ਅਤੇ ਲੋਕਾਂ ਵਿੱਚੋਂ ਸਾਰੇ ਰੋਗ ਅਤੇ ਸਾਰੀ ਮਾਂਦਗੀ ਨੂੰ ਹਟਾਉਂਦਾ ਸੀ”(ਮੱਤੀ ਦੀ ਇੰਜੀਲ 4:23)।