Dec 03 – ISWARGI CHANBIBA !

“Mahakki chanbiba adudi angakpani, adubu mioibagi khutta di eibu tahanbinu.” (2 Samuel 24:14).

Iswargi minungsi chanbiba asi asukki matik chaobani. Matamda amada ningthou Davidna Israel amadi Judah gi lamda mikok thinaba hairammi. Masigi thabak asina takpadi Davidna mahakki lanmi amadi misinggi masingda thajaba thammi haibasi takli. Mahakna mahakki lanmi makok oiriba Joabta masigi thabak asi sinnarammi. Joabna masigi thabak asi makha chatthadanaba hairamba tarabasu Davidna yaninglamde. Aduna Iswargi panggalda thajaba thamba sarukta misinggi masingda thajaba thamba aduna Iswargi mityengda pap oiramle.

Davidki pap ki damakta Iswarna Davidta potsak ahum asi khannaba hairammi. Madudi chahi taret chak tangba, yeknabasingna makhoibu tha ahum koi tan tanba, amadi numit humni laina laichat thokpa haibasing asini. Masi Davidna tabada yamna thawai warammi. Aduga Davidna hairammi, “eihak yamna thawai ware. Chanbiduna Iswargi khutta tarage, maramdi mahakki minungshi chanbiba asi angakpani,adubu mioibagi khuttadi tahanbiganu..” (2 Samuel 24:14)

Nahakna mioiba amadi Satangi khutta keidoungeidasu taroigadabani, adubu Iswarda changjou. Maramdi mahakna warakpirabasu mahakna nungshina amukka konsinbi. Mahakna nahakpu cheirakpirabasu mahakna nahakpu phahanbire. Aduga mahakna nangonda chanbiba thamba asi asukki ,matik chao-i. nahakki papki matung inna mahakna nahakpu cheirak pibasu natte. Adubu nahakpu koikpire hairaga asengba punshi hingba yanaba nahakpu thoujan pire. Biblena hairammi, “Iswargi thoujanna eikhoibu tumna mangde, maramdi mahakki nungshiba haibasi soiba naide. Ayuk khuding nouri. Nahakki thajaba yaba adu asukki chao-i.” (Lamentations 3:22, 23).

Eikhoigi pap ti asukki matik tamthibani aduga eikhoina matik chaba cheirak phangbada matik chabani. Adubu eikhoigi paptagi henna Iswargi nungshiba chaobana maram oisuna mahakna taibangda laktuna eikhoigi damakta cross ta sibire. Eikhoigi papki maramna mahakpu awa ana khangbire. mahakna masabu pap ki usin oina katthokkhre. Nangna mangondagi asukki chaorab thoujan adu karamna phangbage? Biblena hai, “mahakki pap kupsinduna thamliba mi adu chaokhatloi, adubu phongdoktuna thadokpa mi aduna Iswardagi thoujan phangjagani.” (Proverbs 28:13)

Moiba gi chanbiba amadi nungshiba adi loiba naidabani. Adubu Iswargi di loiba naide. Moibagi nungshibadi matamgi matung inna hongba naibani adubu Iswargi di asumna toude. Lomba naidabani. Maramdi Iswargi thoujan heibani,mahakna nahakpu thadokloi, hunsu hundokpiroi. Aduga mahakna napa napusingga warepnaba adu koiroi.” (Deuteronomy 4:31).

Dhyan tougadaba: “aduna eikhoigi mit asina Iswarda yengli.,mahakna eikhoibu thoujanbidriba phaoba..” (Psalm 123:2)