ਸਤੰਬਰ 30 – ਤੁਹਾਡਾ ਡੇਰਾ ਪਵਿੱਤਰ ਹੋਵੇਗਾ!
elimchurchgospel“ਕਿਉਂ ਜੋ ਯਹੋਵਾਹ ਤੁਹਾਡਾ ਪਰਮੇਸ਼ੁਰ ਤੁਹਾਨੂੰ ਛੁਡਾਉਣ ਲਈ ਅਤੇ ਤੁਹਾਡੇ ਵੈਰੀਆਂ ਨੂੰ ਤੁਹਾਡੇ ਅੱਗੇ ਹਰਾਉਣ ਲਈ ਤੁਹਾਡੀ ਛਾਉਣੀ ਦੇ ਵਿੱਚ ਫਿਰਦਾ ਹੈ, ਇਸ ਲਈ ਤੁਹਾਡੀ ਛਾਉਣੀ ਪਵਿੱਤਰ ਹੋਵੇ, ਅਜਿਹਾ ਨਾ ਹੋਵੇ ਕਿ ਉਹ ਤੁਹਾਡੇ ਵਿੱਚ ਕੁਝ ਅਸ਼ੁੱਧਤਾ ਵੇਖੇ ਅਤੇ ਮੁੜ ਜਾਵੇ”(ਬਿਵਸਥਾ ਸਾਰ 23:14)।
ਤੁਹਾਡਾ ਘਰ ਸ਼ੁੱਧ ਹੋਵੇ ਅਤੇ ਤੁਹਾਡਾ ਜੀਵਨ ਪਵਿੱਤਰ ਹੋਵੇ, ਕਿਉਂਕਿ ਪ੍ਰਮੇਸ਼ਵਰ ਤੁਹਾਡੇ ਵਿਚਕਾਰ ਚੱਲਣਾ ਚਾਹੁੰਦਾ ਹੈ। ਉਹ ਤੁਹਾਨੂੰ ਵਧਾਉਣਾ ਚਾਹੁੰਦਾ ਹੈ, ਤੁਹਾਨੂੰ ਬਰਕਤ ਦੇਣਾ ਚਾਹੁੰਦਾ ਹੈ, ਤੁਹਾਡੇ ਦੁਸ਼ਮਣਾਂ ਨੂੰ ਤੁਹਾਡੇ ਪੈਰਾਂ ਹੇਠ ਹਰਾਉਣਾ ਚਾਹੁੰਦਾ ਹੈ ਅਤੇ ਤੁਹਾਨੂੰ ਜਿੱਤ ਦਿਵਾਉਣਾ ਚਾਹੁੰਦਾ ਹੈ।
ਡੇਰਾ’ ਸ਼ਬਦ ਇੱਕ ਸਰਵ ਵਿਆਪੀ ਸ਼ਬਦ ਹੈ, ਜਿਸ ਵਿੱਚ ਤੁਹਾਡਾ ਪਰਿਵਾਰ, ਤੁਹਾਡਾ ਘਰ, ਤੁਹਾਡੀ ਕੰਮ ਕਰਨ ਵਾਲੀ ਜਗ੍ਹਾ ਜਾਂ ਕਾਰੋਬਾਰ ਦਾ ਸਥਾਨ ਸ਼ਾਮਿਲ ਹੈ। ਤੁਹਾਡੇ ਜੀਵਨ ਦੇ ਸਾਰੇ ਪਹਿਲੂਆਂ ਵਿੱਚ ਪਵਿੱਤਰਤਾ ਹੋਣੀ ਚਾਹੀਦੀ ਹੈ। ਪ੍ਰਭੂ ਨੂੰ ਤੁਹਾਡੇ ਜੀਵਨ ਦੇ ਕਿਸੇ ਵੀ ਪਹਿਲੂ ਵਿੱਚ ਕੋਈ ਅਸ਼ੁੱਧਤਾ ਨਹੀਂ ਦਿਖਣੀ ਚਾਹੀਦੀ ਹੈ। ਕੁਝ ਅਜਿਹੇ ਹਨ ਜਿਹੜੇ ਘਰ ਵਿੱਚ ਪਵਿੱਤਰ ਵਿਵਹਾਰ ਕਰਦੇ ਹਨ, ਪਰ ਕਾਰੋਬਾਰ ਵਿੱਚ ਉਹ ਅਨਿਆਂ ਜਾਂ ਅਪਵਿੱਤਰ ਰੀਤੀ ਰਿਵਾਜਾਂ ਦਾ ਸਹਾਰਾ ਲੈਂਦੇ ਹਨ। ਅਤੇ ਕੁਝ ਦੂਸਰੇ ਹਨ, ਜਿਹੜੇ ਚਰਚ ਵਿੱਚ ਪਵਿੱਤਰ ਦਿਖਾਈ ਦਿੰਦੇ ਹਨ ਪਰ ਉਨ੍ਹਾਂ ਦਾ ਨਿੱਜੀ ਜੀਵਨ ਅਸ਼ੁੱਧ ਅਤੇ ਧੋਖੇਬਾਜ਼ ਹਨ।
ਜਦੋਂ ਤੁਸੀਂ ਹਫ਼ਤੇ ਦੇ ਇੱਕ ਦਿਨ ਵਰਤ ਅਤੇ ਪ੍ਰਾਰਥਨਾ ਕਰਦੇ ਹੋ, ਤਾਂ ਇਸਦਾ ਮਤਲਬ ਇਹ ਨਹੀਂ ਹੈ ਕਿ ਤੁਸੀਂ ਆਪਣਾ ਜੀਵਨ ਉਸੇ ਤਰ੍ਹਾਂ ਹੀ ਜੀ ਸਕਦੇ ਹੋ ਜਿਵੇਂ ਤੁਸੀਂ ਹਫ਼ਤੇ ਦੇ ਬਾਕੀ ਦਿਨਾਂ ਵਿੱਚ ਚਾਹੁੰਦੇ ਹੋ। ਉਸੇ ਤਰ੍ਹਾਂ, ਸਿਰਫ ਇਸ ਲਈ ਕਿ ਕੋਈ ਜੀਵਨ ਦੇ ਇੱਕ ਪਹਿਲੂ ਵਿੱਚ ਪਵਿੱਤਰ ਹੈ, ਇਹ ਜੀਵਨ ਦੇ ਦੂਸਰੇ ਪਹਿਲੂਆਂ ਵਿੱਚ ਪਵਿੱਤਰਤਾ ਦੀ ਘਾਟ ਦਾ ਕੋਈ ਬਹਾਨਾ ਨਹੀਂ ਹੈ। ਪ੍ਰਭੂ ਚਾਹੁੰਦਾ ਹੈ ਕਿ ਤੁਹਾਡਾ ਸਾਰਾ ਡੇਰਾ ਪਵਿੱਤਰ ਅਤੇ ਨਿਰਮਲ ਹੋਵੇ।
ਜਦੋਂ ਇਸਰਾਏਲੀ ਉਜਾੜ ਵਿੱਚੋਂ ਹੋ ਕੇ ਲੰਘ ਰਹੇ ਸੀ, ਤਦ ਯਹੋਵਾਹ ਨੇ ਮੂਸਾ ਨੂੰ ਹੁਕਮ ਦਿੱਤਾ ਕਿ ਉਹ ਉਸ ਦੇ ਲਈ ਇੱਕ ਤੰਬੂ ਬਣਾਵੇ, ਜਿਵੇਂ ਉਹ ਉਨ੍ਹਾਂ ਦੇ ਵਿੱਚ ਵੱਸਣਾ ਚਾਹੁੰਦਾ ਸੀ। ਜ਼ਰਾ ਸੋਚੋ ਕਿ ਪ੍ਰਭੂ ਦਾ ਨਿਵਾਸ ਸਥਾਨ ਕਿੰਨਾ ਪਵਿੱਤਰ ਅਤੇ ਸ਼ੁੱਧ ਹੋਣਾ ਚਾਹੀਦਾ ਹੈ। ਇਸ ਲਈ ਪੂਰੇ ਡੇਰੇ ਦਾ ਪਵਿੱਤਰ ਅਤੇ ਬੇਦਾਗ ਹੋਣਾ ਜ਼ਰੂਰੀ ਹੈ।
ਇੱਕ ਦਿਨ, ਸਾਡਾ ਪ੍ਰਭੂ ਯਿਸੂ ਮਸੀਹ ਜ਼ੱਕੀ ਦੇ ਘਰ ਵਿੱਚ ਰਹਿਣਾ ਚਾਹੁੰਦਾ ਸੀ ਅਤੇ ਉਸਨੇ ਉਸਨੂੰ ਅਜਿਹਾ ਆਖਿਆ। ਕੀ ਉਹ ਆਪਣੇ ਘਰ ਵਿੱਚ ਕੁੱਝ ਵੀ ਅਸ਼ੁੱਧ ਚੀਜ਼ ਰੱਖ ਸਕਦਾ ਹੈ, ਜਦੋਂ ਪ੍ਰਭੂ ਅੰਦਰ ਆਉਣਾ ਚਾਵੇ? ਜ਼ੱਕੀ ਨੇ ਆਪਣੇ ਘਰ ਵਿੱਚੋਂ ਜੋ ਕੁੱਝ ਅਸ਼ੁੱਧ ਸੀ ਉਸਨੂੰ ਕੱਢ ਦਿੱਤਾ, ਅਤੇ ਪ੍ਰਭੂ ਦੇ ਰਹਿਣ ਦੇ ਯੋਗ ਘਰ ਬਣਾ ਦਿੱਤਾ।
ਪ੍ਰਮੇਸ਼ਵਰ ਦੇ ਪਿਆਰੇ ਬੱਚਿਓ, ਜਦੋਂ ਪ੍ਰਭੂ ਤੁਹਾਡੇ ਦਿਲ ਵਿੱਚ ਦਾਖਲ ਹੋਣਾ ਅਤੇ ਨਿਵਾਸ ਕਰਨਾ ਚਾਹੁੰਦਾ ਹੈ, ਤਾਂ ਕੀ ਤੁਹਾਨੂੰ ਇਸ ਨੂੰ ਸੰਪੂਰਨ ਪਵਿੱਤਰਤਾ ਵਿੱਚ ਨਹੀਂ ਰੱਖਣਾ ਚਾਹੀਦਾ ਹੈ? ਜੇਕਰ ਤੁਸੀਂ ਅਸ਼ੁੱਧ ਵਿਚਾਰਾਂ, ਅਸ਼ੁੱਧ ਸੰਬੰਧਾਂ ਜਾਂ ਦੋਸਤੀ ਨੂੰ ਛੱਡ ਦਿਓਂਗੇ, ਤਾਂ ਪ੍ਰਭੂ ਤੁਹਾਡੇ ਦਿਲ ਵਿੱਚ ਕਿਵੇਂ ਆ ਕੇ ਵਾਸ ਕਰੇਗਾ? ਇਸ ਲਈ, ਆਪਣੇ ਪੂਰੇ ਡੇਰੇ ਦੀ ਲੰਬਾਈ ਅਤੇ ਚੌੜਾਈ ਅਤੇ ਉਚਾਈ ਨੂੰ ਪਵਿੱਤਰ ਅਤੇ ਨਿਰਮਲ ਰੱਖਣ ਦਾ ਦ੍ਰਿੜ ਫ਼ੈਸਲਾ ਕਰੋ।
ਅਭਿਆਸ ਕਰਨ ਲਈ – “ਕੀ ਤੁਸੀਂ ਇਹ ਨਹੀਂ ਜਾਣਦੇ ਕਿ ਤੁਸੀਂ ਪਰਮੇਸ਼ੁਰ ਦੀ ਹੈਕਲ ਹੋ ਅਤੇ ਪਰਮੇਸ਼ੁਰ ਦਾ ਆਤਮਾ ਤੁਹਾਡੇ ਵਿੱਚ ਵੱਸਦਾ ਹੈ”(1 ਕੁਰਿੰਥੀਆਂ 3:16)।