Mar 27 – Anin Garberte!

“Ettegoi na Janggardan- janang Balai-len a panardun darditalen, iten ‘ asan gamlehden .itente abmele ta garberben roitad daku, antate anlen aggalambe, bindo Janggardadam er sarrangge ganendrian batte anlen apsele dandrab garberte” (Romi 8:26).

Marid Janggardan gardilen na! Anin na garberlen amdangten a Kitungan, kuddub garbernalen ruanganban abardule U’an Kitungan amang saring adyerberan hangtabe.

Tangsoi mandrengna-ling-len, anlen rockedan pangdamle ruanganba yirle adrabtibe orde garberan surpidle do yarling adrabtibe. Bindo gardilen: Marid Janggardan yirle ruanganban anlen abmele do anlen abanangsa abmele.

Papwr Anosaij-ayam-lingan, Kitungan a pisirdianji panglanberleji Kitungan amangba. Garberan a garamgam uante daina tiyte Kitungan amangba. Jakubo atanalmad-lingan pisirdianjin a d’ong gijle, itente ruanganba ayirtenji do alabsotaihji ate. Bindo Tabme Anosaij-ayam-lingan, Marid Janggardan gaarberlen pangte.

Aateng mandranji daku aninji adgalamaji Marid Janggardan a baran. Aninji atiyj’eneji Marid Janggardan abaraling. Bogad amben Marid Janggardan adhanglenden namintan sikoija, edanan batte garbernaba Marid Janggardan a haangben asan.

Bibolan gamte: “Anten asan amben pansardidam a dele janang den, yante gamle ondam-benji a d’ong bangsa bangsa taniytiyan a tiyben antate bogad amben a galamlenden, dajing awr ruang lingan a dakuten a U’an a garten a mandranji a d’ong Marid Janggardan tiyte?” (Luk 11:13).

Bo bimingdage American saring bo mandran dakule ahiman Pol Robenson. Ateng maandranji timhimleji, do bo bangsadage dakule. Angante Anin kinkinan kinle: E, s’inam tiyih…do s’inhen hama, do onla-maar-lingan adjund-s’ilen tiyle, barij aranabten batte aitsumdaman batte, kuddub mandranji adjuon-s’ilen tiyeleji. Kun ambrij, Kitungan a s’in janang abju’on-s’ilen tiyelangten do gamte: “Manaridgod-lingan abhanataben”.

Tanahimdam Kitungan a onagji, amben abju’on-s’itenpo, eteden Anin d’ongben hamle do mandrengnaben rabte? Amben Marid Janggardan a d’ong a gudingtepo amben ampara adkunaben asan?

Okiy Kinolbe absele: “Hen kuddub mandranji a lanangka Janggarda-Hen lale tiytai” (Joel 2:28).