Mar 09 – SAMALEVALO
elimchurchgospelYohan 9:31Papina Dev kaan denikan hamena malam,pan koithoi Dever bhakthidhar ven,Vona khathar chajen karatho vor arajena samalacha.
Thu Dever khatharen valakan vornai karastho jana Dev thar arajena samalacha. Hava hanuj chaled kan Dev vor sey soganevun puro karacha. Thu Dever khatharen kanna karechiko janna sasij Dev thar arajer vadi kaanden samalacha.
Yee vachan kun key ? Yee vachan yeko huyojannathij andho vetho vu Yesu bapur vadithi nazaren palidojako manikya kerocha. Parisayavalan Yuduleval bhalan von puchejako savalevun Yohan 9:31 vachanema Papina Dev kaan denikan hamena malam,pan koithoi Dever bhakthidhar ven,Vona khathar chajen karatho vor arajena samalacha kan kerocha.
Daveed maharaj von vuj Dever khatharen baval karlen banchotho. Geeder grandh 21:2 vachanema vanchatho ,vor manner asar nai vona den,vor hotethi avajako arajena Thu manlechi. Yek niyathedharer daller asan vor sos kannai Deven khathar vacha. Gener vath 12:5 vachan vanchatho Niyathedharer sos niyather cha, .
Thu yekhapthi mar Araj, mar vinathi, ma puchujako Deven khathar verichka kan paricho karlenu. Raj Solomoner arajen Dev yishta karan Ma thar arajen samalan vor nai midochu kan ko. Yekvela thar dallema mando kai rathoi Dev thar arajen samaleni. 1 Yohan 5:14 vachanema Dever vath kacha, Apan kaithoi Vor khatharer nai puchlatho,Vu apanen samalach kajakoj ,Vorvadi apanen chajako bharosa.
Dev kidojako Soganevo puro venu apaner jeevanema katho apanen masaj ghaser dall chavnuagacha. Yekek vona vu thadai vejakaiko pan Prabhu sasij von jhaldinaj puro vaju karacha. Dev Sarar vadithi Abrahamen valaden pedakaruchu kan kojako soganen kidotho. Lapan Saran ghaser hathayenitho vor heta kam karevali Hagaren Abrahamen dethanu vor vadithi mar valaden pedakarlu ken keldi.
Jana Ismael beta huyo ,vu huyojannathi abbethanu Yisraelevalenan Ismaelevalen assal padeni. Vuj Sara dasek ghasan Dever sam dittivatho athra vela rethijkoni. Mar premer Dever beptavo Dever khathar thamar jeevanema bharpur puro vajethanu dasek ghaslen thamar tham Vu Dever hathen havaal karlo.