Feb 28 – Baguj’e maran!
elimchurchgospel“Anin bo baguj’e maran na, a barij mandrenggod lingan anin er garij’e” (Galatianji 5:23).
Kan ate jznjzn murdadaman a berna indrang garberan abmang j’e-beran agalamben dete. Do mangben saring itente garbrna-ling-ben abkalkaltaben antate amdungben dete. bogad amben garberna-lingan dainan adhanglnden do janggardadage mandrengna-lingan, garberben hadab adea.
Jongtu-sing-lingan, aninji dakuleji, itente aninji abmele ateng melgij-maranji yirtaji gamle. Koti-lingan bagu dakule. Anab-bagu ate alaban a d’ongan dakule. Bagu a todan dakule do bagu jurdi amadan dakule.
Angante ateng melgijmaranji yir-raiji, ateng kanalkalan ambrij dele. Angante adridna sajeten anin bo maneng sattang adrijlen, bo d’ong ate bo maneng satang yireten aninji aoganditenji ambrij adyirad, bo bigarda saring bo bigarda sikoija.
Ateng ayam-ling aninji agarber-lenanji adnang. Bo maneng aninji Kitungan atimangling dakuleji anab-bagu maneng ate ordaran anabkalkalan batte aninji anabkalkalan deleji. Ateng mandranji ate, angante a d’onganji garberba mukaleji, apwrardanji kanalkalan batte aninji ogandileji s’idlelen gamle. Bo maneng saring, aninji manaridan do anab-bagu maneng saring er marid baranji aj’elinganji dungle.
Anappai Jakuba gamle: “Anin bo baguj’e maran na, a barij mandrenggod lingan anin er garij’e. iten asan gamlenden, hen Gamangtungan amang saring iteja hangtai, gamle anta mandra apardedongete. Bindo iteja abmele er dalgadlabe dernan batte tanusin do ardit ardungge a delen tanisin do ardit ardungge a delen a ganingan a kwtsalai d’an ambrij daku” (Jakuban 1:8,7,6)
Iten ambrij garbernaben daku? ateng ayam kanalkalanji yirtai manglingben, kan ambrij orde bo baguj’en asan pedde yirtai, orde anogandinji tanabruijan batte yirtai.
Tanahimdam Kitungan a onagji, itendeleja garberna-lingan ateng kanalkalanji yirtai, gadrij’eling garbernaben dete. galamben dete do baguj’en hangdrangdageted, do bo j’elen garbernaben dete Kitungan amang gijgijle.
Okiy Kinolbe absele: “Bindo danusa-benji Kitung-ben saring d’ong-ben ansabenten, bar pintu-benji asan mang-ben saring Anin a mukkan absosole, anten asan Anin adnamdange” (Jisaiya 59:2).