ਨਵੰਬਰ 27 – ਤਿੰਨ ਪਰਤਾਵੇ!
elimchurchgospel“ਕਿਉਂਕਿ ਸੱਭੋ ਕੁਝ ਜੋ ਸੰਸਾਰ ਵਿੱਚ ਹੈ ਅਰਥਾਤ ਸਰੀਰ ਦੀ ਕਾਮਨਾ, ਨੇਤਰਾਂ ਦੀ ਕਾਮਨਾ ਅਤੇ ਜੀਵਨ ਦਾ ਘਮੰਡ, ਸੋ ਪਿਤਾ ਤੋਂ ਨਹੀਂ ਸਗੋਂ ਸੰਸਾਰ ਤੋਂ ਹੈ”(1 ਯੂਹੰਨਾ 2:16)।
ਸਰੀਰ ਦੀ ਕਾਮਨਾ, ਅੱਖਾਂ ਦੀ ਕਾਮਨਾ ਅਤੇ ਜੀਵਨ ਦਾ ਘੁਮੰਡ ਸ਼ੈਤਾਨ ਦੀ ਲੜਾਈ ਵਿੱਚ ਉਸਦੇ ਤਿੰਨ ਭਿਆਨਕ ਹਥਿਆਰ ਹਨ। ਸਿਰਫ਼ ਇਹਨਾਂ ਨਾਲ ਹੀ ਉਸਨੇ ਅਦਨ ਦੇ ਬਾਗ਼ ਵਿੱਚ ਹੱਵਾਹ ਨੂੰ ਪਰਤਾਇਆ, ਅਤੇ ਉਸਨੂੰ ਭਲੇ ਅਤੇ ਬੁਰੇ ਦੇ ਗਿਆਨ ਦੇ ਰੁੱਖ ਦੇ ਫਲ ਦੀ ਇੱਛਾ ਕਰਨ ਦੇ ਲਈ ਬਣਾਇਆ। ਪਵਿੱਤਰ ਸ਼ਾਸਤਰ ਕਹਿੰਦਾ ਹੈ, “ਜਦ ਇਸਤਰੀ ਨੇ ਵੇਖਿਆ ਕਿ ਉਸ ਰੁੱਖ ਦਾ ਫਲ ਖਾਣ ਲਈ ਚੰਗਾ ਹੈ ਅਤੇ ਅੱਖੀਆਂ ਨੂੰ ਭਾਉਂਦਾ ਹੈ ਅਤੇ ਉਸ ਰੁੱਖ ਦਾ ਫਲ ਬੁੱਧ ਦੇਣ ਦੇ ਯੋਗ ਹੈ ਤਾਂ ਉਸ ਨੇ ਉਹ ਦੇ ਫਲ ਨੂੰ ਲਿਆ ਤੇ ਆਪ ਖਾਧਾ ਅਤੇ ਆਪਣੇ ਪਤੀ ਨੂੰ ਵੀ ਦਿੱਤਾ ਅਤੇ ਉਸ ਨੇ ਵੀ ਖਾਧਾ”(ਉਤਪਤ 3:6)।
ਜਦੋਂ ਤੁਸੀਂ ਉੱਪਰ ਦਿੱਤੇ ਅਧਿਆਇ ਨੂੰ ਧਿਆਨ ਨਾਲ ਦੇਖੋਂਗੇ, ਤਾਂ ਤੁਸੀਂ ਪਰਖਣ ਦੇ ਤਿੰਨ ਹਿੱਸਿਆਂ, ਅਰਥਾਤ ਸਰੀਰ ਦੀ ਕਾਮਨਾ, ਅੱਖਾਂ ਦੀ ਕਾਮਨਾ ਅਤੇ ਜੀਵਨ ਦੇ ਘੁਮੰਡ ਨੂੰ ਦੇਖੋਂਗੇ। ਜਿਵੇਂ ਹੀ ਆਦਮ ਅਤੇ ਹੱਵਾਹ ਨੂੰ ਧੋਖਾ ਦਿੱਤਾ ਗਿਆ ਅਤੇ ਉਹ ਇਮਤਿਹਾਨ ਵਿੱਚੋਂ ਅਸਫਲ ਹੋ ਗਏ, ਉਨ੍ਹਾਂ ਨੂੰ ਦਰਦ ਅਤੇ ਦੁੱਖ ਦੇ ਨਾਲ ਪਰਮੇਸ਼ੁਰ ਦੀ ਹਜ਼ੂਰੀ ਨੂੰ ਛੱਡਣਾ ਪਿਆ।
ਫਿਰ, ਜਦੋਂ ਯਿਸੂ ਉਜਾੜ ਵਿੱਚ ਸੀ, ਚਾਲੀ ਦਿਨ ਅਤੇ ਚਾਲੀ ਰਾਤਾਂ ਵਰਤ ਰੱਖਣ ਤੋਂ ਬਾਅਦ, ਸ਼ੈਤਾਨ ਨੇ ਉਸਨੂੰ ਪਰਤਾਇਆ। ਅਸੀਂ ਇਸ ਦੇ ਬਾਰੇ ਮੱਤੀ ਦੀ ਇੰਜੀਲ, ਅਧਿਆਇ 4 ਵਿੱਚ ਜ਼ਿਆਦਾ ਵਿਸਥਾਰ ਨਾਲ ਪੜ੍ਹ ਸਕਦੇ ਹਾਂ। ਉਸਨੇ ਯਿਸੂ ਨੂੰ ਇੱਕ ਤੋਂ ਬਾਅਦ ਇੱਕ ਤਿੰਨ ਵਾਰ ਪਰਤਾਇਆ। ਪਰੰਤੂ ਪ੍ਰਭੂ ਨੇ ਪਰਮੇਸ਼ੁਰ ਦੇ ਵਚਨ ਦੇ ਦੁਆਰਾ, ਸ਼ੈਤਾਨ ਦੇ ਹਰ ਪਰਤਾਵੇ ਉੱਤੇ ਜਿੱਤ ਪ੍ਰਾਪਤ ਕੀਤੀ। ਜਦੋਂ ਕਿ ਸ਼ੈਤਾਨ ਨੇ ਵੀ ਪਵਿੱਤਰ ਸ਼ਾਸਤਰ ਵਿੱਚੋਂ ਹਵਾਲਾ ਦੇਣ ਦੀ ਕੋਸ਼ਿਸ਼ ਕੀਤੀ, ਇਹ ਸਿਰਫ਼ ਵਿਅਰਥ ਸੀ। ਕਿਉਂਕਿ ਪਰਮੇਸ਼ੁਰ ਦਾ ਵਚਨ ਸ਼ੈਤਾਨ ਦੇ ਹਰ ਪਰਤਾਵੇ ਅਤੇ ਹਰ ਬੁਰੀ ਯੋਜਨਾ ਉੱਤੇ ਕਾਬੂ ਪਾਉਣ ਦੇ ਯੋਗ ਸੀ।
ਜੀਵਨ ਦੇ ਪਰਤਾਵੇ ਅਤੇ ਪਰਤਾਵਿਆਂ ਉੱਤੇ ਜਿੱਤ ਪਾਉਣ ਦੇ ਲਈ, ਤੁਹਾਨੂੰ ਅਧਿਕਾਰ ਦੇ ਨਾਲ ਪਰਮੇਸ਼ੁਰ ਦੇ ਵਾਅਦਿਆਂ ਦੀ ਘੋਸ਼ਣਾ ਕਰਨੀ ਚਾਹੀਦੀ ਹੈ। ਪਵਿੱਤਰ ਆਤਮਾ ਤੁਹਾਡੇ ਮਨ ਵਿੱਚ ਲਿਆਵੇਗਾ, ਉਹ ਹੀ ਅਧਿਆਇ ਜਿਹੜੇ ਤੁਹਾਨੂੰ ਉਸ ਸਥਿਤੀ ਵਿੱਚ ਜਿੱਤ ਦਾ ਦਾਅਵਾ ਕਰਨ ਦੀ ਜ਼ਰੂਰਤ ਦਿੰਦੇ ਹਨ। ਸਾਡਾ ਪ੍ਰਭੂ ਯਿਸੂ ਮਸੀਹ ਇਸ ਸੰਸਾਰ, ਸਰੀਰ ਅਤੇ ਸ਼ੈਤਾਨ ਦੇ ਵਿਰੁੱਧ ਜੇਤੂ ਜੀਵਨ ਅਤੇ ਸੇਵਕਾਈ ਦੇ ਲਈ ਅਦਰਸ਼ ਉਦਾਹਰਣ ਹੈ।
ਉਹ ਹੀ ਪ੍ਰਭੂ, ਯਿਸੂ ਮਸੀਹ, ਜਿਹੜਾ ਪਰਤਾਵਿਆਂ ਉੱਤੇ ਜੇਤੂ ਹੋਇਆ ਅਤੇ ਆਪਣੀ ਪਵਿੱਤਰਤਾ ਨੂੰ ਬਣਾਈ ਰੱਖਿਆ, ਤੁਹਾਡੇ ਜੀਵਨ ਦੇ ਸਾਰੇ ਪਰਤਾਵਿਆਂ ਵਿੱਚ ਤੁਹਾਨੂੰ ਉਹ ਹੀ ਜਿੱਤ ਦੇਣ ਦੇ ਯੋਗ ਹੈ।
ਇੱਕ ਵਾਰ ਸ਼ੈਤਾਨ ਨੇ ਦਾਊਦ ਨੂੰ ਇਸਰਾਏਲੀਆਂ ਦੀ ਜਨਗਣਨਾ ਕਰਨ ਦੇ ਲਈ ਪ੍ਰੇਰਿਤ ਕੀਤਾ। ਸ਼ੈਤਾਨ ਨੇ ਯਹੂਦਾ ਇਸਕਰਿਯੋਤੀ ਨੂੰ ਵੀ ਪੈਸੇ ਦਾ ਲਾਲਚ ਦੇ ਕੇ ਪ੍ਰਭੂ ਨੂੰ ਧੋਖਾ ਦਿੱਤਾ। ਉਸਨੇ ਪਤਰਸ ਨੂੰ ਕਣਕ ਦੀ ਤਰ੍ਹਾਂ ਛਾਨ ਕੇ ਉਸਨੂੰ ਪਰਤਾਇਆ। ਉਸਨੇ ਹਨਾਨਿਯਾ ਅਤੇ ਸਫ਼ੀਰਾ ਨੂੰ ਵੀ ਪਵਿੱਤਰ ਆਤਮਾ ਨਾਲ ਝੂਠ ਬੋਲਣ ਦੇ ਲਈ ਪਰਤਾਇਆ।
ਪਰਮੇਸ਼ੁਰ ਦੇ ਪਿਆਰੇ ਬੱਚਿਓ, ਸ਼ੈਤਾਨ ਦੀਆਂ ਦੁਸ਼ਟ ਯੋਜਨਾਵਾਂ ਦੀ ਹੱਦ ਜੋ ਵੀ ਹੋਵੇ, ਪ੍ਰਮੇਸ਼ਵਰ ਹਮੇਸ਼ਾਂ ਤੁਹਾਡੇ ਨਾਲ ਹੈ, ਤੁਹਾਡੀ ਮਦਦ ਕਰਨ ਦੇ ਲਈ, ਤੁਹਾਡੇ ਲਈ ਲੜਨ ਦੇ ਲਈ, ਤੁਹਾਨੂੰ ਮਜ਼ਬੂਤ ਕਰਨ ਅਤੇ ਤੁਹਾਨੂੰ ਜਿੱਤ ਦੇਣ ਦੇ ਲਈ।
ਅਭਿਆਸ ਕਰਨ ਲਈ – “ਜਿਹੜਾ ਜਿੱਤਣ ਵਾਲਾ ਹੈ, ਉਹ ਨੂੰ ਮੈਂ ਆਪਣੇ ਸਿੰਘਾਸਣ ਉੱਤੇ ਆਪਣੇ ਨਾਲ ਬਿਠਾਵਾਂਗਾ ਜਿਸ ਪ੍ਰਕਾਰ ਮੈਂ ਵੀ ਜਿੱਤਿਆ ਅਤੇ ਆਪਣੇ ਪਿਤਾ ਦੇ ਨਾਲ ਉਹ ਦੇ ਸਿੰਘਾਸਣ ਉੱਤੇ ਬੈਠਾ”(ਪ੍ਰਕਾਸ਼ ਦੀ ਪੋਥੀ 3:21)।