தினம் ஒரு நாட்டின் மாநிலம் – சூஸ்

சூஸ் மாநிலத்துக்காக ஜெபிப்போம்,

சூஸ் (Sousse), துனிசியாவின் 24 மாநிலங்களில் ஒன்றாகும். இது நாட்டின் வடகிழக்கில் துனிசியாவின் கிழக்குக் கடற்கரைக்கு அருகில் அமைந்துள்ளது.
சூஸ் மாநிலம் துனிசியாவின் இரண்டாவது பெரிய சுற்றுலாத் தலமாகும். நகரச் சுவர்கள் மற்றும் அரண்களால் சூழப்பட்ட மெதினா, வரலாற்று முக்கியத்துவம் வாய்ந்தது. யுனெஸ்கோ 1988-ல் சூஸ் மெதினாவை உலகப் பாரம்பரியத் தளமாக அறிவித்தது. வரலாற்று முக்கியத்துவம் வாய்ந்த கட்டிடங்களில் ரிபாட் கோட்டை, மத்திய மசூதி மற்றும் இப்பகுதியின் பல ரோமானிய மாளிகைகளிலிருந்து கொண்டுவரப்பட்ட மொசைக்குகளைக் கொண்ட காஸ்பாவில் உள்ள ஒரு வரலாற்று அருங்காட்சியகம் ஆகியவை அடங்கும். இதன் அழகிய மணல் கடற்கரைகளின் பின்புறம் பழத்தோட்டங்களும் ஆலிவ் தோப்புகளும் அமைந்துள்ளன.

இந்த மாநில மக்களின் தொழில் முன்னேற்றத்திற்காகவும், சமாதானத்துக்காகவும், இரட்சிப்பிற்காகவும், எழுப்புதலுக்காகவும், பாதுகாப்பிற்காகவும், பொருளாதார வளர்ச்சிக்காகவும் ஜெபிப்போம்.