June 12 – Derna S’i!

“Anta tiki Anin Toman a d’ong gameten, Tedne ondersi-nam batte jaba, do s’i-Henji gija, bar s’i-nam batte jable androijang-ling-Hen roa. Bar dalgaddong, bindo derna. Toma Anin a d’ong jalangle gameten, E Gamangtung-hen, e Kitung-hen. Jisun anin a d’ong gameten, E Toma, aman d’ong-Hen a gijlihen asan derren. Bute bute d’ong-Hen er gijlabe dertenji, aninji man’oihdam” (Jon 20:27-29).

Barij danukkan batte unji soa mihnum saring ateng misor lingan a dakulenanji ate. Monaben babyete, babyele bartabmete janggardadage a amndrengna. Iten asan gamlenden aparamangtan dajing bernan anidan dele.

Angante amben akinolte Kitungan abernan barokij barokij, Dijte – bernan anion a hanangan asan anidan dele, ‘yante ‘- gamle anidolberan a uywb-sanayen do banabyen. Batte anien danerderan rapti hangtabe”, barij bibolan kinolle atiyj’e-naben dete. Kan batte amben surda banabyen ahangte. Aten asan Anappai Pol man’oihan batte aadhimle. Barij banabyen a Kitungan na” (Jon 20:25).

Aninna sattang badrijte asuyeman do a tanurdun batte. Bindo a karidadong kan abmele bo bardika sattang ayam abmele. Iten asan gamlenden Kitungan kuddub kanalkalanji sabgaile d’ongben babyete. Birindabenji pedde asangemtabenji. Orde aboi saring aboi kanalkal-lingan dakutaben mandrengna-lingben. Anin bigardaji a d’ong janang babyele.

Iten asan gamlenden kuddub kanalkal-ling-len Amn babyetalen. Yante gamle itente a hanabyen Kitungan batte anlen banabyen detabe. Kitungan banabye Kitungan, kun batte dile kanalkal lingan a deten a mandranji a d’ong anlen rapti abbabyetabe. Aninna sanayaman do Anina banabye. Banabyen’ gamlenden sanabyun do ranabdun pangtai. Kitungan d’onglen tiylai sanabyun, lanabyun do banabyen. Daudo, a d’ong Kitungan batte dile ayam banabyen dele. Kitungan amangban gijgijle. “Angante hen sintatenai do kuditenai, seletten banabye-Nam pwrarda-hen abm’oihte” (1 Jon 1:1).

Amben ateng ayam danukka do kanudi-lingan dakutaben, Kun anogandin batte ambendaman abkalkaldamten. Iten asan gamlenden alumlen a pintun do apangsardin asan. Kun ayamlen kalobori arakkadangan aimben dete, do Jisun Kristun amangba gijgijba, pintun saaring anablun ahangben abmele.

“Do amben Kitungdage asanabyun batte barij adete. Amadan batte atal-jingan gijdale do bo jatidage amiholan batte jodle. Gulji-lingan Luk kabol-lingan, bo pintu bojan Jisun a jingba yiraiten do edalen” (Ebri 11:6).

Okiy Kinolbe absele: “Bar aninji gamleji, Gamangtung Jisu Kristun amang lingan derna, bar aman anablun hangte, aman do s’ing mar-namji janang” (Anappai 16:31).