Mar 31 – A Galule a Enjuman!

“Bindo bo mandra zdata zdata enjuman tamale d’a lingan galule. Ansaring anin uai-sarrangle gameten, Ugai! E gamang-hen, antate reya-jum-hen galule. Yan abmenai?” (2 Raja 6:5).

Bibol-lingan anlen kinoltabe gulji rumang baranji Eliya do mijgal-bagu ruamnganji Elisayan batte. Akinollaben ate anab-gulji rubmang-baran Elisayan saring. Iten asan Kitungan rubamang baran do rubmangdage abaran lumle kan abmele bibolan daku? bibolan gamte: “Bindo kanate anidolan dele, yante gamle, Jisu Kitungan a On Kristun na, gamle amben rapti a derten. Bar kanate deran derre amben Anin ahim lingan mandrengnan rapti a hangte” (Jon 20:31).

Eliya ayam-ling, tumadgijmaranji aninjidaman s’ingan agutulben abmele oskailenji. Do bo mandran ate aranji iddidle, Jordon jorda lingan a enjuman galule. Do anin edalen: “E gamang-hen! Iten asan gamlenden anin rayaneten”.

Angante itente rayaten, kun asamana bangsale handramle do abyarben dete. d’onglen janang Kitungan saring rayanan ambrij. Aten asan, anlen manarid-lingan abasuben dete. ateng mandranji aninjidaman pintu-lingan san’id-lingan tiydamtenji, do a d’onganji do a pwrardanji bar a janggardamanji abs’id-damtenji. Yangam Kitungan amang amben absuidamten, amben abmele?

Bibolan gamte: “Ayengan a Marid Janggardan Kituhgan saring amben ahangle Anin a sarebasingan dong-benji_ na,; do ambenji ambgndamanate ted, antate amben aggalame po? Iten asan gamlenden amben bo janattin batte tanikuijan dele, anten asan-dong-ben batte Kitungan a dong abgugule abpemengba” (1 Korintian 6:19-20).

Eliya, Kitungan a Onan tumadgijmarloge ualle uan galule enjumnam. Ambendaman ualdamnaba do aganludben dete uan amanengba manaridan saring galulaben. Uan aparamang galulaben? Iten ambrij a pintun alumle? Do nami iten ambrij amben daku?

Ambendaman ualdamnaba nami. Daudo ambrij, amben agarbernaben dete: “E Kitung, d’ong-hen sanilsaijih do uggar-hen galama; d’ong-hentungjengih do anogal-henji galama” (Sanenken 139:23-24). Tanahimdam Kitungan a onagji, Kitungan a tnimhimba ayarnaiba, do purban ambrij garbernaba. Kitungan d’ongben abgugule abdainataben manarid-lingan.

Okiy Kinolbe absele: “Anablu-Nam a man’oihan d’ong-hen barokij ti-ih, do mananne janggardan tiyle d’ong-hen hamle dakkua” (Sanenken 51:12).