Mar 06 – Anin Apsuigod Mar-ben!

Bar Gamangtungan tordong apsuigod mar-ben dete, do asarsol darakuna linganji perarda-ben sabyimte, bar j’ang-benji rabdute; seletten amben ranudan kuttan ambrij detaben, do amben er ahad dungdamdan ambrij detaben” (Jisaiya 58:11).

Kitungben s’iben hamle absuigodtaben kuddub a tanimyiman do asuyeman batte atanakudan sikoija. Bindo anin batte abhananben asan hangamle lumben, amben surpid-damlen Amangban garbernaben dete hangamle ambendaman abhanadamten do kuddub godlingben ranoitad tagor-lingan.

Raja Daudo man’oihan batte gamle: “Gamangtungan na Gupa Mar-hen, henate er asuige adde-e. Anin d’ong-hen ledenggab lingan abtabmutih; Anin lagad hana d’an adam adamban d’ong-hen urungtih” (Sanenken 23:1-2). Gamangtungben Gupamarben kuddubgod mandrengna-lingan. ateng ayamling, angante amben anordin atiyle Kitungan batte abhanaben, delejanang ateng manengba ambendaman adhanadamnaben dete. kani na ate ambendaman do Kitungan aitsuman boi boi sagaidam ateng ayamling.

Kitunglen dulejben do argalben sattang abtulaten ted. Bindo Anin Gupa marben itente anogandiben, baraben, do bernaben atiyte a Kitung. Amben abantongdong, amben karahid godban ahaling janang, Kitungan amben ampara daku do apissirdianji d’ongben dongrabteji. Ruang rajamban ardute sikoija Anin d’ongben tangorte, amben arduten sikoija. Banangsa do asuyeman sandungtabe kuddub dinna-lingan mandreng madtaben sikoija do amben Kitungan a s’ing-ling abasute mandreng-madtan sikoija.

Garbernaben radudam deben dete enganle Sanenken lingan ambrij: “E Israel a Gupa Mar do e maranda-Nam Josep a Tanangor Mar, mangba-len daludle andanga” (Sanenken 80:1). Gupa med-maran kuddub kumedanji guple adrabtia. Iten asan gamlenden ateng er t’ul dakuteji jajingante ate er bangsa dakuteji, do ateng pasijanji dakuteji. Gardemedanji janang dakuteji, bigardanji ambrij aninji haling adrabtiaji. Aten asan, aninjidaman ambrij Gupa med-maran abhanate. Bibolan gamte: “Anin bo gupa-med maran ambrij a marandan a d’ong gupate; Anin on murkundardanji a d’ong rukkute, aninji a d’ong lakkudle urungte, do a yang-medanji a d’ong derga derga abhanate” (Jisaiya 40:11).

Kitungan gamete: “Hen na bangsa Gupa mar. bangsa Gupa maran anindaman tiydamte merendanji abmele”. Tanahimdam Kitungan a onagji, yan abanangsa kan ate butente anlendaman abmele amandrengna atiyte ate! abguguba do senkenraba Kitungan a d’ong, yan abanangsa kan ate amandrengna tiydamlen abhanalangten.

Okiy Kinolbe absele: “Mang-ling-ben uan a amndran daku do, a bo sua murkundardamedan dakuan dakule bogad aninji saring bo murkundarda-medan anardodan delenden, ardod murkundarda-medan endrang hange sikkoi ja a saijben asan unji kurdi miggal-gulji murkundarda-medanji kandrzng lingan adnomdae po?” (Luk 15:4).